मुंबई – दिल्ली मेट्रोतील फोटो बुधवारी माजी मुख्यमंत्री आणि विरोधीपक्ष नेते देवेंद्र फडणवीस यांनी आपल्या ट्विटर अकाऊंटवरून शेअर केले होते. मेट्रो-३ या मार्गाने मी विमातळापर्यंत असा प्रवास कधी करू शकेन, असे म्हणत त्यांनी महाविकास आघाडी सरकारला चिमटा काढला होता. दरम्यान राष्ट्रवादी काँग्रेसने यावरून त्यांना टोला लगावला आहे.
केंद्र सरकारकडून या कामात कोणताही अडथळा न आणता मदत झाली, तर लवकरच मुंबई मेट्रोही पूर्ण होईल.#Mumbai #MumbaiMetro
— Mahesh Tapase महेश तपासे (@maheshtapase) January 28, 2021
महाविकास आघाडी सरकार मुंबई मेट्रो – ३ हा प्रकल्प पूर्ण करेल यात शंका नाही, पण वारंवार केंद्राकडून अडथळा निर्माण केला जात असल्याची मुंबईकरांची भावना असल्यामुळे फोटो काढून ट्विट करण्याची व फिरण्याची संधी देवेंद्र फडणवीस यांना मिळावी ही मुंबईकरांची अपेक्षा असल्याचा टोला राष्ट्रवादीचे राज्य मुख्य प्रवक्ते महेश तपासे यांनी देवेंद्र फडणवीस यांना लगावला.
I travelled in Delhi Metro today to return back to the airport & reached in a very short span as compared to travel by road!
Don’t know when will I be able to travel in Mumbai Metro 3 to the airport, looking at the things messed up by MVA on CarShed issues 🤔#Metro #Mumbai pic.twitter.com/JKPTElbcdD— Devendra Fadnavis (@Dev_Fadnavis) January 27, 2021
मुंबई मेट्रो – ३ लवकरच महाविकास आघाडी सरकार सुरू करेल आणि ती पूर्ण करण्यासाठी कटिबद्धही आहे. पण केंद्राकडून वारंवार मदतीऐवजी आडकाठी होत असल्यामुळे केंद्रासोबत आपण समन्वय केला तर प्रकल्प लवकर पूर्ण होऊ शकेल आणि मुंबईकरांना दिलासा मिळू शकेल, असेही तपासे म्हणाले.