आव्हाड यांच्या बंगल्यातील १६ कर्मचाऱ्यांना कोरोनाची बाधा


ठाणे : राज्याचे गृहनिर्माणमंत्री जितेंद्र आव्हाड यांच्या बंगल्यातील १६ कर्मचाऱ्यांना कोरोनाची बाधा झाल्याचे पुढे आले आहे. कोरोनाची लागण त्यांच्या सुरक्षा ताफ्यातील पोलीस, सहाय्यक, स्वयंपाकी आणि स्वच्छता कर्मचाऱ्याला झाली आहे. आता मंत्री जितेंद्र आव्हाड हेही होम क्वारंटाईन झाले आहेत. दरम्यान, त्यांची कोरोना चाचणी निगेटिव्ह आली आहे.

राष्ट्रवादी काँग्रेसचे नेते जितेंद्र आव्हाड यांच्या सुरक्षा सेवेत दाखल असलेल्या ५ पोलिसांसह त्यांचे सहाय्यक, बंगल्यातील स्वयंपाकी, स्वच्छता कर्मचारी आणि काही कार्यकर्त्यांचा यात समावेश आहे. आधी १३ जणांना लागण झाल्याचे स्पष्ट झाले होते. आता त्यात तीनने वाढ झाली आहे. जितेंद्र आव्हाडही स्वतः होम क्वारंटाईनमध्ये आहेत. ठाण्यात जितेंद्र आव्हाड यांचा मतदारसंघ असलेल्या कळवा मुंब्रा परिसरात सर्वाधिक कोरोना रुग्ण आढळून आले आहेत. सोमवारी एकाच दिवशी ठाण्यात आता ३० नवे रुग्ण सापडल्याने ठाणेकरांची चिंता वाढली आहे.

Leave a Comment