24 तासांच्या आत केन विल्यमसनने निवृत्तीबद्दल विचारणा करणाऱ्यांना चोख उत्तर दिले. त्याने शनिवारी श्रीलंकेविरुद्ध द्विशतक झळकावले. त्याने 296 चेंडूत 23 चौकार आणि 2 षटकारांसह 215 धावांची खेळी केली. विल्यमसनचे कसोटी कारकिर्दीतील हे सहावे द्विशतक आहे. त्याचवेळी त्याने श्रीलंकेविरुद्ध दुसऱ्यांदा द्विशतक झळकावले. वेलिंग्टनच्या मैदानावर विल्यमसनच्या बॅटचा गडगडाट झाला आणि त्याच्या बॅटच्या आवाजाने ज्यांनी त्याला आदल्या दिवशी विचारले होते की आंतरराष्ट्रीय क्रिकेटमधून निवृत्ती कधी घेणार? त्यांची बोलती बंद केली.
निवृत्तीच्या प्रश्नावर त्यावेळी विल्यमसन म्हणाला की, तो इतका म्हातारा झालेला नाही आणि आंतरराष्ट्रीय खेळांमध्ये आपल्याला ज्या आव्हानांना सामोरे जावे लागते, त्याचा तो आनंद घेत आहे, मात्र दुसऱ्याच दिवशी विल्यमसनने हे सिद्ध केले की आपण खरोखरच आव्हानांचा आनंद घेत आहोत.
Test double century number SIX for Kane Williamson! His second against Sri Lanka at the @BasinReserve. Follow play LIVE in NZ with @sparknzsport. #NZvSL pic.twitter.com/q6I7u7sFgR
— BLACKCAPS (@BLACKCAPS) March 18, 2023
या द्विशतकासोबतच विल्यमसनने अनेक विक्रमही आपल्या नावावर केले आहेत. त्याने कसोटी क्रिकेटमध्ये 8124 धावा केल्या आहेत आणि तो न्यूझीलंडसाठी सर्वाधिक कसोटी धावा करणारा खेळाडू बनला आहे. फॅब 4 मध्ये, तो कसोटी क्रिकेटमध्ये सर्वाधिक दुहेरी शतके झळकावणारा दुसरा फलंदाज ठरला आहे. कोहली 7 द्विशतकांसह अव्वल स्थानावर आहे. तर जो रूट 5 आणि स्टीव्ह स्मिथ 4 द्विशतकांसह तिसऱ्या आणि चौथ्या स्थानावर आहेत.
केन विल्यमसन अप्रतिम फॉर्ममध्ये धावत आहे. याआधी, मागील दोन सामन्यांत त्याने सलग 2 शतके झळकावली होती. शनिवारी श्रीलंकेविरुद्ध त्याने हेन्री निकोल्ससोबत 363 धावांची मोठी भागीदारी केली. निकोलसनेही द्विशतक झळकावले आहे. ही त्याची कसोटी क्रिकेटमधील सर्वात मोठी धावसंख्या आहे. निकोल्सचे द्विशतक पूर्ण होताच न्यूझीलंडने 4 गड्यांच्या मोबदल्यात 580 धावा करून डाव घोषित केला.