लवकरच स्क्रीन शेअर करताना दिग्दर्शक आणि अभिनेता प्रभूदेवा आणि दाक्षिणात्य अभिनेत्री तमन्ना भाटिया दिसणार आहेत. ही जोडी आगामी ‘खामोशी’ चित्रपटात एकत्र झळकणार आहे. दरम्यान, या चित्रपटाचे नव्या पोस्टरसोबतच आता ट्रेलर रिलीज करण्यात आला आहे.
या चित्रपटाचा फर्स्ट लूक पोस्टर रिलीज करण्यात आला होता. हा चित्रपट रहस्यमय तसेच थ्रिलिंग असणार याचा अंदाज या पोस्टरवरून येत होता. पहिल्या पोस्टरमध्ये प्रभूदेवाचा चेहरा समोर आला नव्हता. मात्र, नव्या पोस्टरमध्ये प्रभूदेवाचा पूर्ण लूक पाहायला मिळत आहे. हा एक हॉरर चित्रपट असल्याने चाहत्यांना या चित्रपटाची आतुरता आहे.
Trailer out tomorrow… New poster of #Khamoshi… Stars Tamannaah Bhatia and Prabhu Dheva… Directed by Chakri Toleti… 31 May 2019 release. #KhamoshiTrailer pic.twitter.com/K9jM0DjP1S
— taran adarsh (@taran_adarsh) May 14, 2019
या चित्रपटाचे नवे पोस्टर चित्रपट समीक्षक तरण आदर्श यांनी सोशल मीडियावर शेअर केले आहे. प्रभूदेवाचे रौद्र रूप या पोस्टरमध्ये पाहायला मिळत आहे, तर तमन्ना ही घाबरलेल्या अवस्थेत दिसत आहे. या चित्रपटाचे दिग्दर्शन चक्री टॉलेटी यांनी केले आहे. हा चित्रपट ३१ मे रोजी रिलीज करण्यात येणार आहे.