साऊथ सिनेसृष्टीतील सुप्रसिद्ध अभिनेत्री सध्या तिच्या बहुप्रतिक्षित ‘O2’ चित्रपटामुळे चर्चेत आहे. हा चित्रपट रिलीजसाठी सज्ज आहे, ज्यामध्ये ती एका दमदार भूमिकेत दिसणार आहे. नुकताच प्रदर्शित झालेल्या ‘कथुवकुला रेंडू कादळ’ या चित्रपटाच्या यशानंतर आता नयनताराच्या आगामी ‘ओ2’ या चित्रपटाचा ट्रेलर प्रदर्शित करण्यात आला आहे. ट्रेलरमध्ये ती एका आईच्या भूमिकेत दिसत आहे, जी आपल्या मुलाला वाचवण्यासाठी कोणत्याही थराला जाऊ शकते. यासाठी तिच्या पात्राला अनेक अडचणींचा सामना करावा लागतो, कारण तिचा मुलगा आजारी आहे. GS विकनेश दिग्दर्शित, चित्रपट 17 जून रोजी OTT प्लॅटफॉर्म ‘Disney + Hotstar’ वर प्रदर्शित होणार आहे.
सस्पेन्सने भरलेली कथा
नयनतारा अभिनीत हा सस्पेन्स थ्रिलर चित्रपट लवकरच OTT प्लॅटफॉर्मवर प्रदर्शित होणार आहे. यासाठी लोकांच्या मनात उत्सुकता वाढवण्यासाठी निर्मात्यांनी नुकताच या थ्रिलरचा मनोरंजक ट्रेलर रिलीज केला आहे. व्हिडिओची सुरुवात नयनताराने स्वतःची वीरा, एक प्रेमळ आई अशी ओळख करून दिली आहे. तिचा मुलगा अशा आजाराने ग्रस्त आहे, ज्यामुळे त्याला नैसर्गिकरित्या श्वास घेणे कठीण होते. त्याला ऑक्सिजन सिलेंडरची गरज आहे. जेव्हा आई आणि मुलगा बसने कोचीला निघतात, तेव्हा या दुःखद कथेत अचानक ट्विस्ट येतो. त्यांचा प्रवास केवळ कथा अधिक वेदनादायक बनवतो. ते बसने प्रवास करत असताना वाटेत काहीतरी घडते, ज्यामुळे रस्त्यावर मोठ-मोठे खड्डे पडतात. या खड्ड्यांमध्ये बस पडते. बस पडताना खूप गोंधळ होतो. सर्व प्रवासी कठीण परिस्थितीत अडकले आहेत, त्यामुळे त्यांना ऑक्सिजनसाठी एकमेकांशी झगडावे लागत आहे. या धोकादायक परिस्थितीतून तो कसा बाहेर पडेल आणि नयनतारा आपल्या मुलाला वाचवण्यासाठी सर्वांसाठी काय करते, ही या चित्रपटाची कथा आहे.
या हॉलिवूड चित्रपटातून घेण्यात आली ही कथा
या चित्रपटाचे दिग्दर्शन जीएस विक्नेश यांनी केले असून या चित्रपटाद्वारे तो दिग्दर्शक म्हणून पदार्पण करणार आहे. या चित्रपटाची कथा 2021 मध्ये आलेल्या फ्रेंच सायन्स-फिक्शन थ्रिलर ‘ऑक्सिजन’ वरून प्रेरित आहे. ‘O2’चे शूटिंग गेल्या वर्षी पूर्ण झाले आणि सध्या हा चित्रपट पोस्ट-प्रॉडक्शनमध्ये आहे. या चित्रपटाची निर्मिती एसआर प्रभू आणि एसआर प्रकाश बाबू यांनी केली आहे.
लवकरच विवाहबद्ध होणार नयनतारा
नयनतारा तिचा दीर्घकाळचा प्रियकर विघ्नेश शिवनसोबत 9 जून रोजी लग्न करणार आहे. नयनताराकडे लग्नानंतरचे आणखी बरेच चित्रपट आहेत, ज्यात मोहन राजाच्या आगामी थ्रिलर ‘गॉडफादर’चा समावेश आहे. कोनिडेला प्रॉडक्शन कंपनी आणि सुपर गुड फिल्म्स निर्मित या चित्रपटात नयनतारासोबत मेगास्टार चिरंजीवी दिसणार आहे. चिरंजीवी आणि नयनतारा व्यतिरिक्त, चित्रपटात सत्यदेव कांचरन देखील प्रमुख भूमिकेत आहेत. ‘गॉडफादर’ हा मोहनलालच्या 2019 मध्ये आलेल्या ‘लुसिफर’ चित्रपटाचा रिमेक आहे.