बॉलिवूडमधील लोकप्रिय अभिनेत्रींपैकी एक अभिनेत्री नोरा फतेही ही आहे. आपल्या डान्ससोबतच फॅशनमुळे ही नोरा ओळखली जाते. सोशल मीडियावर नोरा सक्रिय असल्याचे पाहायला मिळते. फोटो आणि व्हिडीओ सोशल मीडियावर शेअर करत ती चाहत्यांच्या संपर्कात राहते. नोराने नुकताच सोशल मीडियावर एक फोटो फोटो शेअर केला आहे. सोबतच तिचे काही ग्लॅमरस व्हिडीओ सोशल मीडियावर व्हायरल झाले आहेत.
सोशल मीडियावर नोरा फतेहीचा राजेशाही फोटो व्हायरल
आपल्या इन्स्टाग्राम अकाऊंटवरून नोराने हा फोटो शेअर केला आहे. या फोटोत नोराने ब्रालेट आणि लेहेंगा परिधान केला आहे. नोरा या राजेशाही शैलीतील लूकमध्ये सुंदर दिसत आहे. नोराचा हा ब्लॅक अॅंड व्हाइट फोटो सोशल मीडियावर प्रचंड व्हायरल झाला आहे. नोराचा एक व्हिडीओ देखील या सोबतच सोशल मीडियावर व्हायरल झाला आहे. हा व्हिडीओ सेलिब्रिटी फोटोग्राफर विरल भयानीने त्याच्या इन्स्टाग्राम अकाऊंटवरून शेअर केला आहे. या व्हिडीओत नोरा केक कापताना दिसत आहे. हा व्हिडीओ दिल्लीतील आहे.
२०१३ मध्ये प्रदर्शित झालेल्या ‘रोर’ चित्रपटातून नोराने बॉलिवूडमध्ये पदार्पण केले. नोरा ओटीटी प्लॅटफॉर्मवर प्रदर्शित झालेल्या ‘भुज: द प्राइड ऑफ इंडिया’ या चित्रपटात अजय देवगण, सोनाक्षी सिन्हा, संजय दत्त आणि शरद केळकरसोबत दिसली होती. यानंतर नोरा जॉन अब्राहमच्या ‘सत्यमेव जयते २’ या चित्रपटात दिसणार आहे. काही दिवसांपूर्वी नोराने तिला माधुरी दीक्षितच्या बायोपिकमध्ये काम करण्याची इच्छा जाहिर केली होती.