शरीरात गर्मी येण्यासाठी

winter
सध्या थंडीची चाहूल लागत आहे. थंडीचा एखादा झोत अंगावरून गेला की आपले शरीर थरथरते आणि काही तरी गरम गरम हवेसे वाटायला लागते. परंतु गरम कपड्यांनी फार काही साध्य होत नाही. शेवटी गरम कपडे हा बाहेरून केलेला उपचार असतो. मुळातूनच शरीरातली गर्मी वाढवली तर मात्र थंडीचा फारसा त्रास होत नाही. कडाक्याच्या थंडीत धाडसाने व्यायाम करायला सुरूवात करावी. थोड्या दंड बैठका काढाव्यात किंवा २०० ते ३०० मीटर पळावे. बघा शरीरात कशी गर्मी येते. एवढे पळून आलात की अंगावरचे गरम कपडेसुध्दा काढून टाकावेसे वाटतात.

अशा प्रकारच्या थंडीचा एक उपाय म्हणून डॉक्टर मंडळी सायकलिंगचा उपाय सांगतात. संध्याकाळ झाली आणि रस्त्यावरील गर्दी थोडी कमी झाली की घराबाहेर सायकल काढावी आणि थोडे मेन रोडच्या आत लहान गल्लीमध्ये हळूच सायकल चालवावी. फार वेगाने नव्हे. पण मध्यम वेगाने १५ मिनिटे जरी सायकल चालवली तरी आपल्याला शरीरातून गरम हवा वाहत असल्याचा अनुभव येईल आणि गरम कपड्यांची गरजच भासणार नाही.

डॉक्टर मंडळी आणखीन एक सोपा उपाय सांगतात. तो म्हणजे थंडी वाजायला लागली की स्वयंपाक घरात जावे आणि आपल्या हाताने चहा, कॉफी असे एखादे गरम पेय तयार करून ते प्यावे. त्याच्या प्राशनाने तर थंडी जाईलच पण ते तयार करताना आपल्याला शेगडीचे जे सान्निध्य लाभेल त्यामुळेही थंडी थोड्या प्रमाणात का होईना पळून जाईल.

Disclaimer: आरोग्य विषयक लेखात दिली गेलेली माहिती प्राथमिक स्वरुपाची आहे. हि माहिती वैद्यकीय सल्ल्याचा पर्याय होऊ शकत नाही  या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जवाबदारी माझा पेपर घेत नाही

Leave a Comment