जगभरात सध्या कोरोना व्हायरसने थैमान घातले आहे. भारतात देखील कोरोनाग्रस्तांचा आकडा दिवसेंदिवस वाढत चालला आहे. गुजरातमध्ये एटीएमद्वारे 3 जवानांना कोरोनाची लागण झाल्याचे समोर आले आहे. त्यामुळे एटीएममधून पैसे काढताना विशेष सावधगिरी बाळगणे गरजेचे आहे.
घराच्या बाहेर पडताना सॅनिटायझरसोबत ठेवा. बाहेर पडल्यावर जर एखाद्या गोष्टी स्पर्श केल्यास त्वरित सॅनिटायझरने हात स्वच्छ करा.
एटीएममध्ये जर एखादी व्यक्ती आधीच असेल तर ती व्यक्ती बाहेर आल्यानंतरच आत जावे.
आपल्या सोबत वेट वाइप्स आणि टिश्यू पेपरसोबत ठेवा. एटीएमच्या रांगेत उभे असताना चेहरा, नाकाला स्पर्श करणे टाळा. रांगेतील लोकांपासून 1 मीटरचे अंतर ठेवा.
एटीएममध्ये कोणत्याही इतर वस्तूंना स्पर्श करू नका. चुकीने एखाद्या गोष्टीला स्पर्श केल्यास सॅनिटायझर वापरा.
एटीएमच्या रांगेत उभे असताना ओळखीची व्यक्ती भेटल्यास तिच्याशी हात मिळवणे टाळा व त्याऐवजी नमस्कार करा.
सर्दी-खोकला असल्यावर घराच्या बाहेर पडू नका. एटीएमच्या रांगेत उभे असताना शिंक आल्यास रुमालाने चेहरा झाका.
वापरलेले टिश्यू अथवा मास्क एटीएमच्या जवळील कचऱ्यात फेकू नये. यामुळे दुसऱ्यांना संक्रमण होऊ शकते.
याशिवाय गरज नसल्यास एटीएममध्ये न जाता सर्व व्यवहार ऑनलाईनच करावे.