प्रतिष्ठीत अशा ऑस्कर पुरस्काराच्या शर्यतीमधून झोया अख्तर दिग्दर्शित अभिनेता रणवीर सिंग आणि अभिनेत्री आलिया भट्ट यांचा ‘गली बॉय’ हा चित्रपट बाहेर पडला आहे. ऑस्करच्या सर्वोत्तम परदेशी भाषा चित्रपट विभागासाठी भारताकडून ‘गली बॉय’ चित्रपटाची निवड करण्यात आली होती. पण अॅकॅडमी ऑफ मोशन पिक्चर आर्ट अँड सायन्सने सोमवारी १६ डिसेंबर रोजी जाहीर केलेल्या सर्वोत्तम दहा परदेशी भाषांमधील चित्रपटांच्या यादीमध्ये ‘गली बॉय’ला स्थान मिळालेले नाही. गली बॉय आता या शर्यतीमधून बाहेर पडल्यामुळे पुन्हा भारतीय चाहत्यांचा हिरमोड झाला आहे.
They're here – announcing the #Oscars shortlists! https://t.co/jYEjR6VSDD
— The Academy (@TheAcademy) December 16, 2019
द पेन्टेड बर्ड (The Painted Bird- Czech Republic), ट्रूथ अॅण्ड जस्टिस (Truth and Justice- Estonia), लेस मिसरेब्लस (Les Misérables-France), दोज हू रीमेन्स (Those Who Remained-Hungary), हनीलँड (Honeyland-North Macedonia), कॉर्पस क्रिस्टी (Corpus Christi-Poland), बीनपोल (Beanpole-Russia), अटलांटिक्स (Atlantics-Senegal), पॅरासाईट (Parasite-South Korea) आणि पेन अॅण्ड ग्लोरी (Pain & Glory-Spain) या चित्रपटांनी या यादीमध्ये स्थान पटकावले आहे.