मलेशियामध्ये प्रो रेसलिंग मोठ्या प्रमाणात लोकप्रिय आहे. लोकांना ही स्पर्धा पाहायला आवडते. सध्या प्रो रेसलिंगमधील एक महिला रेसलर सर्वत्र चर्चेचा विषय ठरत आहे. कारण ही महिला हिजाब परिधान करून लढते. या महिलेचे नाव नोर फियोनिक्स डायना असे आहे. ही पहिला महिला आहे जी मलेशिया प्रो रेसलिंगमध्ये जिने पुरूषांबरोबर लढत दिली आहे.. 19 वर्षीय हिजाब परिधान करणारी डायना पहिली रेसलर आहे जी महिला आणि पुरूष दोघांबरोबर लढते.
डायना ट्राउजर्स, हिजाब आणि टॉप घालून रिंगमध्ये उतरताच लोक तिला मोठ्या प्रमाणात प्रोत्साहन देतात. तिने आतापर्यंत अनेक महिलांचा पराभव केला आहे. एवढेच नाही तर तिने आतापर्यंत अनेक पुरूषांचा देखील पराभव केला आहे. डायनाने 2015 पासून रेसलिंग सुरू केली आहे. लहानपणापासूनच तिला फायटर बनायचे होते.
प्रोफेशनल फायटरबरोबरच ती हॉस्पिटलमध्ये काम देखील करते. रिंगच्या बाहेर ती एक शांत मुलगी आहे. तिच्यासाठी येथे पोहचणे खूप अवघड होते. आधी ती मास्क लावून रिंगमध्ये उतरत असे. जेणेकरून तिला कोणी ओळखणार नाही. मात्र मागील वर्षी मॅच हारल्यानंतर ती मास्क काढत हिजाब परिधान करत सर्वांसमोर आली.
ती म्हणाली की, आधी मी फक्त मास्क लावून लढत असे. कारण ती माझी ओळख होती. कारण मला सामाजिक परिणामांची भिती वाटत होती. मात्र मागील वर्षी मी मास्क काढून टाकला. मला स्वतःची ओळख निर्माण करायची आहे.