शिल्पा शेट्टीची बॉलिवूडची फिटेस्ट अभिनेत्री म्हणून ओळख आहे. ती सोशल मीडियावर नेहमी फिटनेसचे धडे देताना दिसते. त्याचबरोबर ती तिचे वेगवेगळे फोटो आणि व्हिडिओ देखील शेअर करत असते. तिने अलिकडेच एक व्हिडिओ इन्स्टाग्रामवर शेअर केला आहे. ती चक्क पाण्यात स्टंट करताना या व्हिडिओमध्ये दिसत आहे. यात विशेष म्हणजे तिला पोहता येत नाही. तिनेच या पोस्टमध्ये या गोष्टीचा खुलासा केला आहे.
या व्हिडिओमध्ये शिल्पा स्विमिंग पूलमध्ये वॉटर थेरपी घेताना दिसत आहे. शेअर केलेल्या या पोस्टमध्ये तिने लिहिले आहे, की खरे सांगायचे तर मला पोहता येत नाही. पोहण्याचा मी खूपदा प्रयत्न केला. पण ते मला जमले नाही. पण आज मला आईच्या कुशीत असलेल्या बाळाप्रमाणे वाटले. माझ्या भावना व्यक्त करण्यासाठी माझ्या चेहऱ्यावरचे हास्य पुरेसे आहे. मी पाण्यात पहिल्यांदाच आणि तेही कुणाच्यातरी मदतीने कोणत्याही भीतीशिवाय अशाप्रकारे वाटर थेरपी घेतल्याचे तिने या पोस्टमध्ये म्हटले आहे. सोशल मीडियावर शिल्पाचा हा व्हिडिओ व्हायरल झाला आहे. तिच्या या व्हिडिओवर चाहत्यांनीही प्रतिक्रिया दिल्या आहेत.