पुणे – विदर्भ आणि मराठवाड्यात झालेल्या गारपिटीमुळे रब्बी व खरीप पिकांचे नुकसान झाले आहे. त्यामुळे हवालदिल झालेल्या बळीराजाला दिलासा देण्यासाठी अंध व अपंग विकास संस्थेच्या वतीने रंगपंचमीचा सण रद्द करुन गारपीटग्रस्तांना मदत देण्यात आली. या मदतीचा धनादेश अप्पर जिल्हाधिकारी सुरेश जाधव यांच्याकडे सुपूर्त करण्यात आला.

प्रहार अपंग संघटनेचे राज्य समन्वयक धर्मेंद्र सातव, महिला आघाडीच्या जिल्हाध्यक्षा सुरेखा ढवळे, गणेश सातव, कैलास कुसाळकर, दत्तात्रय बहिरट, अब्दुल पठाण, धनजंय शिखरे, हरिदास शिंदे आदी याप्रसंगी उपस्थित होते.