इस्लामाबाद – पाकिस्तानचे माजी अध्यक्ष परवेझ मुशर्रफ यांच्या निवासस्थानाजवळ स्फोटके सापडल्याने खळबळ उडाली आहे. इस्लामाबादमधील त्यांच्या फार्महाऊसजवळ स्फोटकांनी भरलेली पाच पाकिटे सापडली आहेत. त्यांच्या फार्महाऊस जवळून जात असलेल्या रस्त्यावरच ही स्फोटके सापडली.

प्रत्येक पाकिटात 400 ते 500 ग्रॅम स्फोटके होती. जनरल मुशर्रफ यांना 24 डिसेंबरला सुनावणीसाठी विशेष न्यायालयात नेत असताना त्या मार्गावर स्फोट घडवून आणण्यात आला होता. मुशर्रफ यांच्यावर 2007 मध्ये देशात आणीबाणी जाहिर केल्याप्रकरणी खटला सुरू आहे.