2018 साली प्रदर्शित झालेल्या ‘कोलामावू कोकिला’ या तमिळ चित्रपटाच्या हिंदी रिमेकचे नाव ‘गुड लक जेरी’ असे आहे. मूळ चित्रपटात जान्हवीचे पात्र नयनताराने साकारले आहे. होय, तीच नयनतारा जी लवकरच शाहरुख खानच्या ‘जवान’ चित्रपटात दिसणार आहे. पंजाबमध्ये गेल्या वर्षी मकर संक्रांतीच्या तीन दिवस आधी ‘गुड लक जेरी’ चित्रपटाचे शूटिंग सुरू झाले होते. त्या काळात शेतक-यांचा कृषीविषयक कायद्यांबद्दलचा राग उफाळून आला होता आणि त्यामुळे अनेक वेळा शूटिंगमध्ये अडचणी येत होत्या. ज्या भागात चित्रपटाचे चित्रीकरण सुरू होते तेथे मोठ्या वाहनांना पोहोचणे कठीण होते, त्यामुळे जान्हवीला त्या ठिकाणी पोहोचण्यासाठी बॅटरीवर चालणारी रिक्षा वापरावी लागली आणि एके दिवशी जान्हवीला आपला मोह आवरेनासा झाला.
ज्या गावात ‘गुड लक जेरी’ चित्रपटाचे शूटिंग सुरू होते, तेथील लोकांना एके दिवशी एका सुंदर मुलीला रिक्षा चालवताना पाहून आश्चर्य वाटले. खरे तर त्या दिवशी जान्हवीला वाटले की तिने स्वतः रिक्षा चालवावी. सुरुवातीला टीमच्या लोकांनी तिला रिक्षा चालवण्यास मनाई केली, पण जान्हवी कपूर कुठे ऐकणार होती, ती तिच्या मोहावर कायम होती. एकदा तिने ठरवले की ती ते करूनच माघार घेते. विनंती करून जान्हवी कपूरने रिक्षावाल्याकडून रिक्षा मागितली. आज आपली रिक्षा ठिक नाही हे रिक्षाचालकालाही माहीत होते, पण थोडे आढेवेढे घेत त्याने रिक्षा जान्हवीला दिली.
आता जेव्हा जान्हवी कपूर रिक्षा चालवू लागली, तेव्हा लोक तिच्याकडे बघत होते. छोटय़ा शहरांमध्ये मुलींनी रिक्षा चालवणे हे चकित करणारे मानले जाते. पण जान्हवी कपूरसारखी सुंदर मुलगी रिक्षा चालवत असेल, तर लोक काय म्हणतील? दरम्यान, जान्हवीच्या टीममधील एका सदस्याला रील बनवण्याची ही संधी अतिशय योग्य वाटली, म्हणून त्याने कॅमेरा काढून रील बनवण्यास सुरुवात केली. जान्हवी कधी कॅमेराकडे, कधी रस्त्याकडे तर कधी स्वत:कडे टक लावून पाहणाऱ्या लोकांकडे पाहत होती आणि या सगळ्यामुळे रिक्षाचा तोल बिघडला आणि नायिका थेट जमिनीवर पडली.
सुदैवाने त्या दिवशी रिक्षाचा वेग जास्त नव्हता आणि रिक्षातून पडल्यानंतर जान्हवीला किरकोळ मार लागला. तिथून ती थेट शूटिंग लोकेशनवर आली आणि त्यादिवशीचे शूटिंग संपवून ती परत आपल्या ठिकाणी आली. तिथे जान्हवीने बारकाईने पाहिले, तेव्हा कुठेतरी काहीही तुटलेले नसल्याचे पाहून तिला दिलासा मिळाला. जान्हवीने ही घटना त्याच दिवशी तिच्या बहिणीला सांगितली, पण पप्पा बोनी कपूर यांना याची माहिती तेव्हाच देण्यात आली, जेव्हा जान्हवीला त्यांचा मूड योग्य वाटला.