महिलांना नवर्‍याचाच खरा धोका

द. लान्सेट या मासिकामध्ये हा अहवाल प्रसिध्द झाला आहे. महिला जशा आपल्या जवळच्या नातेवाईकांच्या हिंसेला बळी पडतात तसाच प्रकार पुरुषांच्या बाबतीतसुध्दा घडतो. त्यांच्याही हत्येला त्यांच्या बायका कारणीभूत असतात परंतु अशा पुरुषांचे प्रमाण केवळ ६ टक्के एवढे आहे. म्हणजे बायकांना नवर्‍यापासून जेवढा धोका आहे तेवढा पुरुषांना आपल्या बायकापासून नाही. या अहवालामध्ये निरनिराळ्या देशातील आकडेवारी दिलेली आहे. त्यात ब्रिटनमधली आकडेवारी भारताच्या जवळपास जाणारी आहे. तिथल्या ५४ टक्के महिला नवर्‍याच्या हिंसेला बळी पडलेले आहेत तर केवळ ५ टक्के नवरे आपल्या बायकोच्या हिंसेला बळी पडलेले आहेत.

अशा आपल्या जीवनाच्या साथिदाराकडून कधीही मारले जाण्याची शक्यता महिलांमध्ये जास्त आहे. ही गोष्ट खरी परंतु एकंदरीत खून किंवा हत्या होण्याचे प्रमाण महिलांपेक्षा पुरुषांत जास्त आहे. म्हणजे आर्थिक कारणावरून, गुन्हेगारीवरून, गुंडगिरीमधून, राजकारणातून होणार्‍या खुनांत महिलांचे प्रमाण अत्यल्प आहे. अशा वेगळ्या कारणावरून होणार्‍या खुनांत पुरुषांचे प्रमाण महिलांपेक्षा कितीतरी जास्त आहे.