पुणे दि. २८ – पुण्याजवळ आंतरराष्ट्रीय विमानतळामुळे चर्चेत आलेल्या चाकण तसेच औद्योगिक वसाहतीमुळे विकसित झालेल्या तळेगांव दाभाडे आणि अन्य कांही तालुक्यात मुंबईतील गिरणी कामगारांना घरे देण्यासाठी ५३ एकर जागा निश्चित करण्यात आली असल्याचे खात्रीलायक वृत्त आहे. या जागेत ६ हजार कामगारांसाठी घरकुले उभारली जाणार असून पुण्याचे जिल्हाधिकारी विकास देशमुख यांनी या संबंधीचा प्रस्ताव राज्य शासनाला नुकताच सादर केला असल्याचे समजते. या प्रस्तावानुसार जागा पाहणी करण्यासाठी मंत्रालयातील अधिकार्यांसचे एक पथक डिसेंबरमध्ये पुण्यात येणार असून त्यांच्या शिफारशीनंतर या प्रस्तावाला अंतिम स्वरूप दिले जाणार आहे.