सेउल, २० ऑगस्ट-अॅपलच्या आयपॅडला टक्कर देण्यासाठी सॅमसंगने गुरुवारी गॅलक्सी नोट १०.१ टँबलेट लाँच केला आहे. टॅब आणि स्मार्ट फोनची एकत्रित वैशिष्ट्ये असलेल्या या फॅब्लेटचे ब्रिटन, अमेरिका आणि दक्षिण कोरियात लाँचिंग झाले. भारतात कंपनीच्या स्टोअरमध्ये ऑर्डर दिल्यास फॅब्लेट उपलब्ध होईल. त्यासाठी २ हजार रुपये भरून फॅब्लेट बुक करता येईल, अशी माहिती कंपनीच्या वतीने देण्यात आली. टॅबचा हा मोठा आणि चांगला प्रकार लोकांना आवडेल, असा दावा सॅमसंगने केला आहे. टॅबच्या बाजारपेठेत कंपनीचा वाटा फत्त* ९.९ टक्के आहे. सॅमसंगने या वर्षी पहिल्या सहा महिन्यांत फत्त* ४४ लाख टॅब विकले आहेत. अॅपलने मात्र याच काळात तीन कोटी आयपॅडची विक्री केली आहे. अॅपलचा बाजारपेठेतील वाटा ६४ टक्के आहे.