जगभरातच सध्या प्रिंट मिडियाचे थोडेच दिवस शिल्लक असल्याची जोरदार चर्चा सुरू आहे इतकेच नव्हे तर जगभरातील अनेक वृत्तपत्रसमूह आर्थिक संकटांचा सामना करत आहेत. मात्र जगातील श्रीमंत व्यक्तीत गणना होत असलेले जगप्रसिद्ध गुंतवणूकदार वॉरन बफेट यांनी दैनिके खरेदीचा दणकाच लावला असून गेल्या वर्षभरात या व्यवसायात ३० कोटी अमेरिकी डॉलर्सची गुंतवणूक केली आहे. त्यांच्या गुंतवणुकीमुळे प्रिंट मिडीया खरेच इतिहासजमा होणार का या भविष्याबाबत प्रश्नचिन्ह निर्माण झाले आहे.
ऑडिओ-व्हिजुअल आणि प्रसार माध्यमांचे होत असलेले आधुनिकीकरण यामुळे वृत्तपत्रसमूह संकटात सापडले आहेत ही गोष्ट खरी आहे. अनेक दैनिके बंद पडली आहेत हेही खरे आहे. मात्र आपल्या सामाजिक भावनांना योग्य स्थान देणार्या वृत्तपत्रांचे भविष्य नेहमीच उज्ज्वल राहणार असल्याचे बफेट यांचे म्हणणे आहे. त्याचमुळे आपण आणखीही कांही दैनिके खरेदी करणार आहोत असे त्यांनी जाहीर केले आहे.
वॉरन बफेट यांची जगातील श्रीमंत व्यक्तीत गणना केली जाते व त्यांची संपत्ती ४४ अब्ज डॉलर्सच्या घरात आहे. त्यांच्या बर्कशायर हाथवे या कंपनीने त्यांच्या मूळ गावातील ओमाहा वर्ल्ड हेराल्ड हे वर्तमानपत्र २० कोटी अमेरिकी डॉलर्सला खरेदी केले असून त्यापाठोपाठ मिडिया जनरल वृत्तपत्रसमूह १४२ दशलक्ष डॉलर्सना खरेदी केला आहे. लि एन्टरप्रायजेस कंपनीत त्यांची २० लाख डॉलर्सची गुंतवणूक केली आहेच पर सेंट लुई डिस्पॅच व अॅरिझोना डेली सन ही दैनिकेही खरेदी केली आहेत. वॉरेन यांनी बफेलो न्यूज व वॉशिंग्टन पोस्ट मध्येही मोठी गुंतवणूक केली असल्याचे सांगितले जात आहे.
