.jpg)
अफगाणीस्तानमध्ये अनेक ठिकाणी अनधिकृत बॉम्ब बनविले जात आहेत. त्यात असंख्य अमेरिकी सैनिकांना आपले प्राण गमवावे लागत आहेत. अफगाणीस्तानसारख्या युद्धपीडित देशात अमोनियम नायट्रेट या रसायनाची मोठ्या प्रमाणावर तस्करी होत असुन त्याचा वापर करूनच हे गावठी बॉम्ब बनविले जात आहेत. ओबामा प्रशासन हि तस्करी थांबविण्यासाठी जागतिक स्तरावरून प्रयत्न करीत आहे. अफगाणीस्तानच्या हेल्मंड प्रांतात नुकतेच एका शेतकऱ्याच्या घरात अमोनियम नायट्रेटचा मोठा साठा जप्त केला गेला. ही तस्करी थांबविण्यासाठी ‘ऑपरेशन ग्लोबल शिल्ड’ ही मोहीम हाती घेण्यात आली आहे. पाकिस्तान – अफगाणीस्तानच्या सीमारेषेवर दररोज कित्येक टन अमोनियम नायट्रेट भरलेले ट्रक पकडले जातात. त्यापैकी काही ट्रक अफगाणी सीमारक्षकांची नजर चुकवुन अफगाणीस्तानमध्ये प्रवेशही करतात. ही डोळेझाक अजाणतेपणी होते कि जाणुनबुजुन हे जाणणे महत्वाचे आहे.