मुंबई – अनाकलनीय राजकीय भूकंप राज्यामध्ये झाला असून राज्यात भाजप आणि राष्ट्रवादी काँग्रेसने सोबत येत सरकार स्थापन केले. देवेंद्र फडणवीस यांनी यामध्ये पुन्हा एकदा मुख्यमंत्रीपदाची शपथ घेतली आहे, तर अजित पवार यांनी उपमुख्यमंत्रिपदाची शपथ घेतली. त्यांना राज्यपाल भगतसिंग कोश्यारी यांनी आज राजभवनात शपथ दिली.
श्री @Dev_Fadnavis जी को महाराष्ट्र के मुख्यमंत्री और श्री @AjitPawarSpeaks को प्रदेश के उपमुख्यमंत्री के रूप में शपथ लेने पर हार्दिक बधाई।
मुझे विश्वास है कि यह सरकार महाराष्ट्र के विकास और कल्याण के प्रति निरंतर कटिबद्ध रहेगी और प्रदेश में प्रगति के नये मापदंड स्थापित करेगी।
— Amit Shah (@AmitShah) November 23, 2019
या दरम्यान भाजपध्यक्ष अमित शहा यांनी ट्विट करत देवेंद्र फडणवीस यांना शुभेच्छा दिल्या आहेत. मला विश्वास आहे की, हे सरकार विकास आणि कल्याणासाठी काम करेल आणि महाराष्ट्रात विकासाचा नवा आयाम तयार होईल, असे ट्विट त्यांनी केले आहे.
महाराष्ट्राच्या मुख्यमंत्री पदी श्री देवेंद्र फडणवीस आणि उप मुख्यमंत्री पदी अजित दादा पवार यांनी शपथ घेतल्या बद्दल अभिनंदन. तुमच्या नेतृत्वात महाराष्ट्राचा विकास रथ वेगाने पुढे जाईल हा ठाम विश्वास आहे. @Dev_Fadnavis @AjitPawarSpeaks
— Nitin Gadkari (@nitin_gadkari) November 23, 2019
देवेंद्र फडणवीस आणि अजित पवार यांना केंद्रीय मंत्री नितीन गडकरी यांनी ट्विट करत शुभेच्छा दिल्या आहेत. त्यात त्यांनी, महाराष्ट्राच्या मुख्यमंत्रिपदी श्री देवेंद्र फडणवीस आणि उप मुख्यमंत्रीपदी अजित पवार यांनी शपथ घेतल्याबद्दल अभिनंदन. तुमच्या नेतृत्वात महाराष्ट्राचा विकास रथ वेगाने पुढे जाईल, हा ठाम विश्वास असल्याचे त्यांनी म्हटले आहे.