नागपूर – मुख्यमंत्री देवेंद्र फडणवीस यांनी आंतरराष्ट्रीय बाजारात दुधाच्या पावडरचे दर कमी झाल्यामुळे दुधाच्या दरातही लिटरमागे ५ ते ६ रुपयांची घट झाली आहे. त्यामुळे याप्रकरणी तातडीची बैठक बोलविली जाईल. तसेच दुग्धव्यवसाय वाचविण्यासाठी प्रयत्न करणार असल्याचे एका लक्षवेधीवर उत्तर देताना सांगितले.

दुधाच्या पावडरचे दर आंतरराष्ट्रीय बाजारात घटल्यामुळे दूध पावडर उत्पादकांनी दुधाची कमी दराने सुरू केलेली खरेदी, ऑक्टोबर २०१४मध्ये दुधाच्या लिटरमागे ५ ते ६ रुपयांनी घट झाल्याने दुधाच्या दरात घट झाल्यामुळे दूध उत्पादक चिंताग्रस्त आहेत. याबाबत सरकार दुग्ध शेतक-यांच्या पाठीशी ठामपणे उभे राहण्याची गरज असल्याची लक्षवेधी गणपतराव गायकवाड आणि बाबुराव पाचर्णे यांनी उपस्थित केली.