ऍपल आणि सॅमसंगमध्ये दिवाळीच्या मुहूर्तावर जाहिरात युद्ध !

सूत्रांनी दिलेल्या माहितीनुसार, ऍपल आणि सॅमसंग या दोन्ही कंपन्यांनी त्यांच्या नवीन स्मार्टफोन्सच्या जाहिरातींसाठी किमान २०० कोटी रुपये खर्च करण्याची तयारी दाखविली आहे. सॅमसंग त्यांच्या दोन्ही उत्पादनांसाठी जाहिरातींवर १०० ते १२० कोटी रुपये खर्च करण्याची योजना बनवत आहे. तर ऍपल देखील रिलायन्स आणि एअरटेल या दोन टेलिकॉम भागीदारांसोबत ७० ते ८० कोटी रुपये जाहिरातींवर खर्च करणार आहे. भारतीय बाजारातील ग्राहकोपयोगी वस्तूंच्या जाहिरातींवर आतापर्यंत खर्च करण्यात येणारी ही सर्वाधिक रक्कम आहे, अशी माहिती बाजारातील सूत्रांनी दिली.