बुरूंडीत जॉगिंग करणार्‍यांना होते जन्मठेप

वास्तविक बुरूंडीच्या घटनेप्रमाणे कोणताही अध्यक्ष दोन वेळाच अध्यक्षपद भूषवू शकतो. पियरे यांच्या दोन्ही टर्म पूर्ण होत आल्या आहेत मात्र तरीही तिसर्‍यांदा आपणच अध्यक्ष बनणार याची त्यांना खात्री आहे. पियरे यांनी केलेल्या नव्या कायद्यांमुळे तेथील नागरिक हैराण झाले आहेत. सकाळी जॉगिंग करण्यावरची बंदी हा असाच त्रासदायक कायदा. अर्थात खासगी परिसरात मात्र जॉगिंग करण्यावर बंधने नाहीत. जॉगिंग वर बंदी आणण्यामागे पियरे यांना वाटत असलेली भीती कारणीभूत आहे असे समजते. जॉगिंग करण्यासाठी नागरिक एकत्र येतात व तेव्हा ते एकत्र येऊन आपल्याविरोधात कांही कट रचतील, सरकारविरोधात कांही योजना बनवितील आणि आंदोलने करतील अशी भीती पियरे यांना सतावत असते. त्यामुळे ही बंदी आणली गेली आहे.

आजही अनेक लोक जॉगिंग केल्याच्या आरोपावरून तुरूंगात डांबले गेले आहेत. हे सर्व लोक विरोधी पक्षाचे असून त्यांनी एकता व लोकतंत्र आंदोलन छेडले होते असेही समजते.