बॉलीवूड सुपरस्टार सलमान खानच्या 2023 मध्ये झालेल्या एका अवॉर्ड फंक्शनचा व्हिडिओ व्हायरल झाला होता. व्हिडीओमध्ये असे दिसून आले होते की, ॲवॉर्ड फंक्शनमध्ये सलमान तिथून जात असताना विकी त्याच्या फॅन्ससोबत फोटो काढत होता. यादरम्यान त्याचा बॉडीगार्ड शेरा विकीला धक्का देतो आणि निघून जातो. व्हिडिओ पाहिल्यानंतर विकीचे चाहते चांगलेच संतापले. त्याचवेळी सलमानचे चाहते ‘टायगर येतो तेव्हा मार्ग मोकळा करावा लागतो, मग तो कोणीही असो,’ मात्र, आता व्हायरल होत असलेल्या व्हिडिओचे सत्य स्वतः शेराने सांगितले आहे.
सलमान खानच्या बॉडीगार्डने विकी कौशलला केली होती का धक्काबुक्की? शेराने सांगितले सत्य
सलमानच्या अंगरक्षक शेराने दावा केला की, मी त्याला ढकलले असे नाही, तर तसे सोशल मीडियावर बनवले गेले. व्हायरल होत असलेल्या व्हिडिओबद्दलचे सत्य सांगताना तो म्हणाला, मी विकी कौशलला धक्का दिला नाही. यासोबतच शेराने झूमसोबतच्या संभाषणात सलमानसोबतचे त्याचे नाते आणि त्याच्यासोबत काम करण्याचा अनुभवही सांगितला.
शेरा म्हणाला की, तो यात सहभागीही नव्हता. तो म्हणाला, आमच्यासोबत आणखी एक मुलगा आला होता, पण त्यानेही असे काही केले नव्हते. सलमान भाई आणि विकी कौशल दोघेही चांगले मित्र आहेत. कार्यक्रमादरम्यान दोघांमध्ये संवादही झाला. अशा परिस्थितीत अफवा पसरवण्यासारखे काही नाही. काही दिवसांपूर्वी व्हायरल झालेल्या व्हिडिओवर विकी कौशलनेही प्रतिक्रिया दिली होती. विकीने सांगितले होते की, कधी कधी जे दिसते, ते तसे नसते. लोक कधीकधी छोट्या गोष्टींना मोठ्या गोष्टी बनवतात.
या मुलाखतीत शेराने हा खुलासाही केला की, सलमान किती दिवसांपासून सिंगल आहे. मी त्याच्या जवळ कोणालाही जाऊ देत नाही, असे तो विनोदाने म्हणाला. यामुळे भाई अविवाहित आहे. शेरा म्हणाला, मी याबाबत काहीही बोलू शकत नाही. जेव्हा भाईला लग्न करावेसे वाटेल, तेव्हा तो करेल.
सलमान खानचे नाव अनेक अभिनेत्रींसोबत जोडले गेले आहे. या यादीत कतरिना कैफच्या नावाचाही समावेश आहे. अशा परिस्थितीत जेव्हा कतरिनाने विकीसोबत लग्न केले, तेव्हा बातम्या येऊ लागल्या की सलमान विकीवर चिडला आणि त्याच्याकडे दुर्लक्ष केले. मात्र, सलमानचा बॉडीगार्ड आणि स्वत: विकीने या सर्व गोष्टी अफवा असल्याचे म्हटले आहे.
सलमान खान शेवटचा कतरिना कैफसोबत ‘टायगर 3’मध्ये दिसला होता. वर्क फ्रंटबद्दल बोलायचे झाले, तर सलमान खान सध्या एआर मुरुगदासच्या ‘सिकंदर’ चित्रपटात काम करत आहे. या हार्ड-कोर ॲक्शन चित्रपटात रश्मिका मंदान्ना, प्रतीक बब्बर आणि सत्यराज (कटप्पा) यांच्याही प्रमुख भूमिका आहेत. हा चित्रपट 2025 मध्ये प्रदर्शित होणार आहे. या चित्रपटात सलमान मुख्य भूमिकेत दिसणार आहे. मराठा योद्धा छत्रपती संभाजी यांच्या जीवनावर आधारित लक्ष्मण उतेकर यांच्या महाकाव्य छावामध्ये विकी दिसणार आहे.
शेराचे खरे नाव गुरमीत सिंग जॉली आहे. 1995 पासून तो सलमानचा बॉडीगार्ड आहे. शेराचा जन्म 19 मे 1969 रोजी अंधेरी, मुंबई येथे झाला. 1987 मध्ये शेराने मिस्टर मुंबई ज्युनियर बॉडीबिल्डिंगचा किताब पटकावला होता.