शाकिब अल हसनला वादात राहण्याची सवय लागली आहे. क्रिकेटसोबतच तो अनेकदा त्याच्या काही कामांमुळे प्रसिद्धीच्या झोतात असतो. त्याच्यावर असेच प्रश्न उपस्थित करणारा एक व्हिडिओ पुन्हा सोशल मीडियावर समोर आला आहे, ज्यामध्ये शाकिब एका ग्राउंड्समनच्या कॉलरला पकडून त्याचा मोबाइल हिसकावून घेण्याचा प्रयत्न करताना आणि त्याला थोबाडीत मारताना दिसत आहे. तेही फक्त सेल्फीसाठी. प्रश्न असा आहे की, बांगलादेश क्रिकेटच्या सर्वात मोठ्या खेळाडूला असे करणे शोभते का? जागतिक क्रिकेटमधील प्रसिद्ध अष्टपैलू खेळाडूला अशा गोष्टी पुन्हा पुन्हा करायला आवडतात का?
शाकिब अल हसनने सेल्फीसाठी मूर्खपणा केला, तो पण कोणासोबत? ग्राउंड्समनसोबत. ग्राउंड्समन जो खेळाडूंना खेळण्यासाठी खेळपट्टी तयार करतो. क्रिकेट खेळण्यासाठी मैदान योग्य बनवतो. अशा परिस्थितीत शाकिबने त्याच्यासोबत सेल्फीही क्लिक केला असता, तर त्याचे काय बिगडले असते? व्हिडीओ पाहून हे स्पष्ट होते की जेव्हा ग्राउंड्समनला त्याच्यासोबत सेल्फी घ्यायचा होता, तेव्हा तिथे फारसे लोक नव्हते. म्हणजे क्रिकेट चाहत्यांच्या गर्दीमुळे त्रास होण्यासारखे काही नव्हते.
Shakib… when a groundsman tried tontake a selfie with him 🤨 pic.twitter.com/BWbDX4LAsK
— Nibraz Ramzan (@nibraz88cricket) May 7, 2024
बरं, ही शाकिब अल हसनची वैयक्तिक बाब आहे, ती त्याची वैयक्तिक विचारसरणीही असू शकते. त्याला असे सेल्फी घेणे आवडत नसावे. पण, त्याच्याशी असा दुजाभाव का? जरी ग्राउंड्समनने सेल्फी काढण्याची चूक केली असती, तरी तो त्याला स्पष्टपणे नकार देऊ शकला असता, पण असे काही घडले नसल्याचे व्हिडिओवरून स्पष्टपणे दिसून येते. शाकिबने त्याला सरळ मागे ढकलून त्याची कॉलर पकडून मोबाईल हिसकावून घेण्याचा प्रयत्न केला. त्याने त्याला थोबाडीतही मारली.
शाकिब अल हसनच्या या गैरवर्तनामुळे ग्राउंड्समन खूप दुखावला गेला, जो व्हिडिओच्या शेवटी तुम्ही शांतपणे बसलेला पाहू शकता. शाकिबच्या व्यावसायिक कारकिर्दीचा विचार केला, तर तो सध्या बांगलादेश क्रिकेट संघापासून दूर आहे. बांगलादेशचा संघ सध्या झिम्बाब्वेसोबत 5 टी-20 सामन्यांची मालिका खेळत आहे, ज्यामध्ये शाकिबचा सहभाग नाही.