आयपीएल 2024 चा मोठा सामना रविवारी म्हणजे आज वानखेडे स्टेडियमवर होणार आहे. गतविजेत्या चेन्नई सुपर किंग्जचा सामना पाच वेळा विजेत्या मुंबई इंडियन्सशी होणार आहे. मॅचच्या आधी बॉलिवूड आणि साऊथच्या कलाकारांनी मुंबई आणि चेन्नईमध्ये ते कोणत्या टीमला सपोर्ट करणार आहेत हे सांगितले आहे.
रविवारी या स्पर्धेत चेन्नई सुपर किंग्जचा सामना त्यांचा सर्वात मोठा प्रतिस्पर्धी मुंबई इंडियन्सशी होणार आहे. जेव्हा जेव्हा या दोन संघांमध्ये सामना होतो, तेव्हा चाहत्यांमध्ये क्रेझ वाढते. पण या सामन्याआधीच आता चित्रपट कलाकारांनीही आयपीएलच्या सर्वात मोठ्या प्रतिस्पर्ध्यामध्ये उडी घेतली आहे. बॉलीवूड आणि दाक्षिणात्य कलाकारांच्या प्रवेशामुळे ही स्पर्धा आणखीनच रोमांचक झाली आहे.
एकीकडे बॉलिवूडचे बहुतेक सेलिब्रिटी मुंबई इंडियन्सला सपोर्ट करताना दिसले, तर दुसरीकडे सलमान खान आणि ऐश्वर्या राय बच्चन यांनी या स्पर्धेत चेन्नई सुपर किंग्जला पाठिंबा दिला आहे. सीएसकेला पाठिंबा देण्यामागे महेंद्रसिंग धोनी हे सर्वात मोठे कारण असल्याचे त्याने नमूद केले. धोनीमुळे क्रिकेट पुन्हा ‘जंटलमन’ गेम बनला, असे सलमानने म्हटले आहे. त्यामुळे तो धोनीचा चाहता आहे. दुसरीकडे, ‘अपरिचित’ फेम अभिनेता चियान विक्रम आणि इतर दाक्षिणात्य कलाकारांनी चेन्नईला आपले आवडते म्हटले आहे.
Stars so huge, even movie stars are in awe! 🤩
Watch the biggest names from Bollywood and the South pick between @ImRo45
and @msdhoni!Who will shine brightest in this #IPLRivalryWeek clash? 🤜🤛
Tune in to #MIvCSK in #IPLOnStar
Today |6:30 PM| LIVE only on Star Sports Network pic.twitter.com/Xe5GupDM5k— Star Sports (@StarSportsIndia) April 13, 2024
या मोसमात मुंबई इंडियन्सची सुरुवात चांगली झाली नाही. पहिल्या तीन सामन्यांत संघाला पराभवाला सामोरे जावे लागले होते. मात्र गेल्या 2 सामन्यांत संघाने पुनरागमन केले असून गुणतालिकेत 4 गुणांसह 7व्या क्रमांकावर आहे. तर चेन्नई सुपर किंग्ज 5 पैकी 3 सामने जिंकून गुणतालिकेत तिसऱ्या स्थानावर आहे.
आयपीएलमध्ये चेन्नई आणि मुंबईचे संघ 37व्यांदा भिडणार आहेत. आतापर्यंत झालेल्या 36 सामन्यांमध्ये मुंबईचा वरचष्मा राहिला आहे. यापैकी एमआयने 20 सामने जिंकले, तर सीएसकेने 16 सामने जिंकले आहेत. याशिवाय वानखेडेमध्ये सीएसकेचा रेकॉर्ड फारसा चांगला नाही. चेन्नईला येथे झालेल्या जवळपास दोन तृतीयांश सामन्यांमध्ये पराभवाचा सामना करावा लागला आहे. मात्र दोन्ही संघ सध्या फॉर्मात असून या प्रतिस्पर्ध्यात कोण बाजी मारणार हे त्यांची सामन्यातील कामगिरी सांगेल.