जगभरातील शास्त्रज्ञ जीवसृष्टीच्या उत्पत्तीची रहस्ये उलगडण्यात गुंतले आहेत, पण आता त्यांनी हे कोडे सोडवलेले दिसते. वास्तविक, संशोधकांच्या एका चमूने पृथ्वीवर जीवसृष्टी कशी अस्तित्वात आली, हे स्पष्ट करणारे मॉडेल आणले आहे. शास्त्रज्ञांच्या म्हणण्यानुसार, पृथ्वीवर जीवसृष्टी कशी आली, याबद्दल दोन सिद्धांत आहेत, त्यापैकी पहिले असे सूचित करते की जीवनासाठी आवश्यक असलेले घटक आदिम सूपमधून ग्रहावर आले. त्याच वेळी, दुसरा सिद्धांत सांगतो की जीवनासाठी आवश्यक असलेले रेणू कोठूनतरी आणले गेले आणि विश्वाने पृथ्वीवर ‘बिया’ पेरल्या.

आता शास्त्रज्ञांच्या एका चमूने दुसरा सिद्धांत लक्षात घेऊन एक मॉडेल आणले आहे, ज्यामध्ये जीवनाचे घटक पृथ्वीवर कसे पोहोचले असतील आणि हे घटक आपल्या सौरमालेबाहेरील इतर ग्रहांवर कसे असण्याची शक्यता आहे, हे स्पष्ट करते. यासंबंधीचा अहवाल प्रोसिडिंग्ज ऑफ द रॉयल सोसायटी ए या जर्नलमध्ये प्रसिद्ध झाला आहे. संशोधक स्पष्ट करतात की ‘बाऊंसिंग’ धूमकेतू जीवनासाठी कच्चा घटक कसा देतात, ज्याला प्रीबायोटिक रेणू म्हणतात.

या संपूर्ण अभ्यासादरम्यान, संशोधकांच्या टीमने सूर्याच्या आकाराच्या ताऱ्यांभोवती फिरणाऱ्या खडकाळ एक्सोप्लॅनेटचे अनुकरण करण्यावर लक्ष केंद्रित केले. केंब्रिज इन्स्टिट्यूट ऑफ अॅस्ट्रॉनॉमीचे खगोलशास्त्रज्ञ रिचर्ड अँस्लो म्हणाले: ‘आम्ही नेहमी एक्सोप्लॅनेटच्या वातावरणाबद्दल अधिक शिकत असतो, त्यामुळे धूमकेतूंद्वारे जटिल रेणू देखील वितरित केले जाऊ शकतात असे ग्रह आहेत का? ते आम्हाला पहायचे होते.’

ते म्हणाले की, ‘पृथ्वीवर जीवन निर्माण करणारे रेणू धूमकेतूपासून आले असावेत. त्यामुळे आकाशगंगेतील इतर ग्रहांवरही असेच घडण्याची शक्यता आहे. आता या संशोधनासोबतच शास्त्रज्ञांनी हे शोधण्याचाही प्रयत्न सुरू केला आहे की, जीवन देणारे रेणू पृथ्वीवर आहेत की इतर ग्रहांवर आहेत?