सोशल मीडिया सेन्सेशन उर्फी जावेद अनेकदा तिच्या कपड्यांमुळे वादात सापडते. उर्फीची स्टाइल आवडणाऱ्यांची कमी नाही. काही लोकांना त्याची स्टाईल आवडत नाही. उर्फी जावेद अनेकदा सोशल मीडिया अकाउंटवर तिचे नवीन विदेशी अवतार सादर करते. मात्र याच दरम्यान उर्फीचा एक व्हिडिओ सोशल मीडियावर व्हायरल होत आहे. ज्यामध्ये पोलीस तिला सोबत घेऊन जात आहेत.
व्हायरल होत असलेल्या व्हिडिओमध्ये उर्फी जावेद एका कॅफेमध्ये आहे. जिथे दोन महिला पोलीस तिथे पोहोचतात आणि उर्फीला सोबत येण्यास सांगतात. व्हिडिओमध्ये पुढे, उर्फी विचारते की तिने काय केले. ज्याला प्रत्युत्तर देताना महिला पोलिसांनी तुला असे छोटे कपडे घालण्यापासून रोखण्यासाठी तुला सोबत यावे लागेल, असे सांगितात. स्वतःचा बचाव करताना उर्फी म्हणते की ती तिला पाहिजे ते परिधान करू शकते.
पुढे व्हिडिओमध्ये दिसत आहे की, दोन्ही महिला पोलिस उर्फीला काळ्या रंगाच्या कारमध्ये बसवतात आणि तिला सोबत घेऊन जातात. या व्हिडिओनंतर अभिनेत्रीच्या चाहत्यांना चांगलाच धक्का बसला आहे. काही सोशल मीडिया यूजर्स कमेंट्सच्या माध्यमातून पोलिसांचे समर्थन करताना दिसत आहेत. कमेंट करताना युजरने लिहिले आहे की, मुंबई पोलिसांना सॅल्यूट आहे, काही दिवस तुरुंगात ठेवा. तर काही युजर्स म्हणतात की पोलिसांनी योग्य कारवाई केली आहे.
एकीकडे उर्फीच्या अटकेची बातमी सर्वत्र पसरत आहे. दुसरीकडे, हे केवळ नाटक असल्याचे सोशल मीडियावर बोलले जात आहे. युजर्सना हे उर्फीचे नवीन ड्रामा वाटत असतानाच, दोन्ही महिला पोलिसही बनावट दिसत आहेत. याशिवाय युजर्सचे असेही म्हणणे आहे की, ज्या कारमधून तिला नेण्यात आले ती गाडी पोलिसांचीच नाही. आता या गोष्टींमध्ये कितपत तथ्य आहे हे येणारा काळच सांगेल.