भारताचे चांद्रयान-3 चंद्रावर पोहोचले, तेव्हापासून जगभरात त्याची चर्चा होत आहे. चांद्रयान-3 चंद्राच्या दक्षिण ध्रुवावर पोहोचले असून असे करणारा भारत हा जगातील पहिला देश आहे. यापूर्वी कधीही कोणत्याही देशाने चंद्राच्या दक्षिण ध्रुवावर आपली मोहीम सोडली नव्हती. अशा परिस्थितीत भारतासाठी ही मोठी उपलब्धी आहे. या मोहिमेला यश मिळून अनेक दिवस उलटले आहेत, मात्र अद्यापही सोशल मीडियावर त्याची जोरदार चर्चा सुरू आहे. सध्या सोशल मीडियावर चंद्राचा एक मजेशीर फोटो व्हायरल होत आहे, तो पाहिल्यानंतर तुम्हाला हसू आवरता येणार नाही.
तुम्ही ऐकले असेल की अनेकांनी चंद्रावर जमीनही खरेदी केली आहे आणि हा ट्रेंड सुरू आहे. मानव चंद्रावर कधी राहू शकेल की नाही हा प्रश्न असला, तरी चंद्रावर जमीन विकत घेण्यासाठी लोक वेडे होत आहेत. सध्या व्हायरल होत असलेल्या मजेशीर फोटोमध्ये चंद्रावर एक दुकान उघडल्याचे दिसत आहे, ज्याचे नाव आहे ‘कमलेश पान वाला’. या दुकानात सर्व प्रकारचे खाद्य पदार्थ दिसत आहेत. चित्रात तुम्ही पाहू शकता की एक छोटेसे दुकान आहे आणि त्याच्या समोरच्या बोर्डवर ‘कमलेश पान वाला’ असे लिहिले आहे.
हा मजेदार फोटो सोशल मीडिया प्लॅटफॉर्म इन्स्टाग्रामवर vishalsileaan001 नावाच्या आयडीने शेअर करण्यात आला असून, ‘कमलेश भाईंच्या प्रगतीचा हेवा करणारे आता याला एडिटिंग म्हणतील’, असे विनोदीपणे लिहिले आहे. या फोटोला आतापर्यंत हजारो लाईक्स मिळाले असून यूजर्स वेगवेगळ्या प्रकारच्या फनी रिअॅक्शनही देत आहेत.
एका यूजरने कमेंटमध्ये ‘मला कमलेश भाईचा हेवा वाटत नाही, पण विमलला घेण्यासाठी चंद्रावर एलियन्स येणार का?’, असे लिहिले आहे, तर दुसऱ्या यूजरने लिहिले आहे की, एलियन या दुकानात येताच ते म्हणतील , ‘अरे कमलेश, दोन पान लाव. त्याचप्रमाणे, ‘कमलेश भाई यांना विनंती आहे की चंद्रावर गुटखा विकू नका, नाहीतर पांढरा चंद्र लाल होईल’, असे लिहिले आहे.