बॉलिवूड अभिनेता सोनू सूद कोरोनाच्या काळापासून समाजसेवेत खूप सक्रिय आहे. सोनू सूद गरीब लोकांच्या मदतीसाठी नेहमीच मदतीचा हात पुढे करत असतो. आता सोनू सूदची बिहारमधील एका अभियंत्याशी भेट झाली आहे, जो नोकरी सोडून कटिहारमध्ये सोनू सूदच्या नावाने अनाथ मुलांसाठी शाळा चालवतो. सोनू सूद आता या मुलांच्या शिक्षणाचा आणि जेवणाचा खर्च उचलणार आहे.
सोनू सूदने 27 वर्षीय अभियंता बिरेंद्र कुमार महतो यांची भेट घेतली. बिरेंद्रने नोकरी सोडून अनाथ मुलांसाठी शाळा उघडली आहे. विशेष म्हणजे या शाळेला अभिनेत्याच्या नावावरून ‘सोनू सूद इंटरनॅशनल स्कूल’ असे नाव देण्यात आले आहे. आता सोनू सूद या उदात्त कार्यात बिरेंद्रला मदत करणार आहे. सोनू सूदने शाळेची मोठी इमारत आणि मुलांच्या शिक्षणासाठी चांगली व्यवस्था करण्याबद्दल सांगितले आहे.
सोनू सूदने बिरेंद्र कुमार आणि शाळेतील विद्यार्थ्यांची भेट घेतली आणि त्याचे फोटोही त्याच्या इंस्टाग्रामवर शेअर केले. इन्स्टाग्रामवर पोस्ट शेअर करताना सोनू सूदने लिहिले की, ‘बिहारमधील अनाथ मुलांना चांगले शिक्षण आणि अन्न पुरवणाऱ्या बिरेंद्र महतो यांच्या या उदात्त कार्याशी जोडून मला खूप आनंद होत आहे. सोनू सूद इंटरनॅशनल स्कूलशी संलग्न होऊन, मुलांना चांगले शिक्षण, इमारत आणि भोजन देण्याचा आमचा प्रयत्न असेल.
सोनू सूद मुलांच्या शिक्षणाच्या क्षेत्रात खूप योगदान देत आहे. सोनू सूद देशभरातील सुमारे 10 हजार मुलांच्या शिक्षणासाठी आर्थिक मदत करत असल्याचे वृत्त आहे. सोनू सूद देशातील तरुण कलागुणांना वाव देण्यासही मदत करतो. सोनू सूदने कोरोनामध्ये अडकलेल्या प्रवाशांना घरी पोहोचवण्यापासून पीडितांना मदत करण्यापर्यंत अनेक उदात्त काम केले आहे. सोनू सूद सोशल मीडियावर खूप सक्रिय असतो.