नॅशनल पेमेंट्स कॉर्पोरेशन ऑफ इंडिया (NPCI) ने अलीकडेच भारतात ऑनलाइन पेमेंटला प्रोत्साहन देण्याच्या उद्देशाने युनिफाइड पेमेंट्स इंटरफेस (UPI) शी क्रेडिट कार्ड लिंक करण्याचा पर्याय उपलब्ध करून दिला आहे. एचडीएफसी बँकेसह अनेक बँकांद्वारे ही सुविधा आधीच त्यांच्या रुपे क्रेडिट कार्डसह प्रदान केली जात आहे. डिजिटल पेमेंट अधिक सुलभ करण्यासाठी नवीन फीचर वापरून ग्राहक त्यांचे HDFC RuPay क्रेडिट कार्ड UPI शी त्वरीत लिंक करू शकतात.
एचडीएफसी बँकेचे ग्राहक यूपीआयद्वारे त्यांचे क्रेडिट कार्ड वापरून या नवीन सुविधेचा लाभ घेऊ शकतात. यामुळे देशात डिजिटल UPI पेमेंटलाही प्रोत्साहन मिळेल. या चरणांचे अनुसरण करून तुम्ही एका सोप्या आणि जलद प्रक्रियेत HDFC रुपे क्रेडिट कार्ड UPI शी लिंक करू शकता.
अशा प्रकारे करु शकता लिंक
- सर्वप्रथम, तुम्हाला तुमच्या मोबाईलमधील प्ले स्टोअरवरून BHIM अॅप डाउनलोड करावे लागेल.
- नोंदणी प्रक्रिया पूर्ण करा आणि क्रेडिट कार्ड पर्याय निवडा.
- पर्यायांमधून तुमच्या क्रेडिट कार्डचे बँकेचे नाव निवडा.
- तुमचा अपडेट केलेला मोबाईल नंबर टाका.
- कार्ड निवडा आणि पुष्टीकरण पर्यायावर क्लिक करा.
- यानंतर तुमचा UPI पिन जनरेट करा.
अशा प्रकारे पाठवू शकता तुम्ही पैसे
- सर्वप्रथम तुम्हाला UPI QR कोड स्कॅन करावा लागेल.
- देय रक्कम प्रविष्ट करा.
- क्रेडिट कार्ड पर्याय निवडा.
- UPI पिन टाका.
- यानंतर तुमचे पेमेंट केले जाईल.
पंजाब नॅशनल बँक, युनियन बँक ऑफ इंडिया आणि एचडीएफसी बँक सारख्या इंडियन बँकेसह इतर बँका देखील त्यांचे रुपे क्रेडिट कार्ड UPI शी लिंक करण्याचा पर्याय देतात. या तिन्ही बँकांची क्रेडिट कार्ड लिंक करण्याची प्रक्रिया जवळपास HDFC सारखीच आहे.