पीपली लाइव्ह या बॉलिवूड चित्रपटातील गाणे खूप प्रसिद्ध झाले होते. सखी सइयां तो खूबई कमात हैं, महंगाई डायन खाये जात है… पाकिस्तानात महागाईने असा कहर केला आहे की, आधी किचनमधून पीठ गायब झाले, मग बिस्किटे, नाश्ता गायब झाला आणि आता चहा, दूध, चिकन मिळणेही कठीण झाले आहे. महागाई दररोज नवे विक्रम प्रस्थापित करत आहे. पाकिस्तानच्या बंदरांवर माल पोहोचला आहे, पण तो सोडण्यासाठी सरकारकडे पैसे नाहीत. येथे दुधाचा दर प्रतिलिटर 210 रुपयांवर पोहोचला आहे. अनेक ठिकाणी यापेक्षा जादा दराने दूध मिळते. चहा पावडर 2500 रुपये किलोने विकली जात आहेत.
गंभीर आर्थिक संकटात असताना पाकिस्तान IMF कडे भीक मागत आहे. जेणेकरून महागाईवर नियंत्रण ठेवता येईल, पण IMF च्या अटी इतक्या कडक झाल्या आहेत की आता पाकिस्तानला कर्ज मिळणे कठीण झाले आहे. दूध, चिकनसह दैनंदिन वापराच्या वस्तूंच्या दरवाढीचा फटका ग्राहकांना बसत आहे. डॉनने दिलेल्या वृत्तानुसार सुट्ट्या दुधाचे दर प्रतिलिटर 190 रुपयांवरून 210 रुपये प्रति लिटर करण्यात आले आहेत. गेल्या दोन दिवसांत बॉयलर चिकनच्या दरात 30 ते 40 रुपयांनी वाढ झाली आहे. आता त्याची किंमत 480 ते 500 रुपये प्रतिकिलो झाली आहे.
कोंबडीचे मांस आता PKR 700-780 प्रति किलो विकले जात आहे, जे पूर्वी PKR 620-650 प्रति किलो होते. अहवालात म्हटले आहे की, हाडेविरहित मांसाची किंमत 1,000-1,100 रुपये प्रति किलो या नवीन शिखरावर पोहोचली आहे. ‘डॉन’ या पाकिस्तानी वृत्तपत्राच्या वृत्तात म्हटले आहे की, महागाईचा दुधाच्या दरावर विशेष परिणाम होतो. कराची मिल्क रिटेलर्स असोसिएशनने सांगितले की, 1,000 हून अधिक दुकानदार महाग दराने दूध विकत आहेत. ही प्रत्यक्षात घाऊक विक्रेते/दुग्ध उत्पादक शेतकऱ्यांची दुकाने आहेत आणि आमच्या सदस्यांची नाहीत.
ते पुढे म्हणाले की, दुग्ध उत्पादक शेतकरी आणि घाऊक विक्रेत्यांनी दुधाचे वाढलेले दर परत केले नाहीत तर 210 रुपयांऐवजी 220 पाकिस्तानी रुपये प्रतिलिटर होतील. याच अहवालात सिंध पोल्ट्री होलसेलर्स असोसिएशनचे सरचिटणीस कमाल अख्तर सिद्दीकी यांनी सांगितले की, जिवंत पक्ष्यांचा घाऊक दर 600 रुपये प्रति किलो, तर मांसाचा दर 650 ते 700 रुपये आहे.