तेहरान : इराणमधील हिजाबविरोधी चळवळ सोशल मीडियाच्या माध्यमातून संपूर्ण जगापर्यंत पोहोचली आहे. विशेष म्हणजे या चळवळीचे नेतृत्व महिला करत आहेत, ज्यांना जगभरातील बड्या व्यक्तींचा पाठिंबा मिळत आहे. हिजाबविरोधातील निदर्शनांच्या समर्थनार्थ आवाज उठवणारी इराणी अभिनेत्री एलनाज नोरोझी पुन्हा एकदा आंदोलनात उतरली आहे. तिच्या अनोख्या पद्धतीने आंदोलन केल्याने तिची सोशल मीडियावर चर्चा होत आहे. मंगळवारी एलनाज नोरोजीने इन्स्टाग्रामवर स्वतःचा एक व्हिडिओ पोस्ट केला, ज्यामध्ये ती निषेध म्हणून तिचे कपडे काढताना दिसली.
व्हिडिओमध्ये इराणी अभिनेत्री तिचा हिजाब आणि बुरखा काढताना दिसत आहे. त्यानंतर ती तिचे सर्व कपडे काढते. तिने व्हिडिओच्या कॅप्शनमध्ये लिहिले आहे की, प्रत्येक स्त्रीला, जगात कुठेही, ती कुठलीही असली तरीही, तिला हवे ते, केव्हा आणि कुठेही घालण्याचा अधिकार असला पाहिजे. कोणताही पुरुष किंवा इतर कोणालाही स्त्रीला तिचा न्याय करण्याचा किंवा तिला इतर कपडे घालण्यास सांगण्याचा अधिकार नाही.
‘लोकशाही म्हणजे निर्णय घेण्याची शक्ती’
एलनाज नोरोजी यांनी लिहिले, प्रत्येकाचे स्वतःचे विचार आणि श्रद्धा असतात आणि त्यांचा आदर केला पाहिजे. लोकशाही म्हणजे निर्णय घेण्याची शक्ती. प्रत्येक स्त्रीला तिच्या शरीराबद्दल निर्णय घेण्याची शक्ती असली पाहिजे. मी नग्नतेला प्रोत्साहन देत नाही, मी ‘तुमच्या आवडीच्या स्वातंत्र्याचे’ समर्थन करत आहे. सप्टेंबरपासून सुरू असलेल्या आंदोलनात महिलाही केस कापताना आणि हिजाब जाळताना दिसत आहेत.
काय आहे संपूर्ण प्रकरण?
इराणमधील प्रकरणाची सुरुवात सप्टेंबरमध्ये 22 वर्षीय महसा अमिनीच्या अटकेपासून झाली. नीट हिजाब न घातल्याने मॉरालिटी पोलिसांनी अमिनीला ताब्यात घेतले. महसा अमिनी पोलिस स्टेशनमध्ये बेशुद्ध पडली आणि त्यानंतर तीन दिवसांनी तिचा मृत्यू झाला. अमिनी हिचा मृत्यू हृदयविकाराच्या झटक्याने झाला असून तिच्यावर कोणत्याही प्रकारचे गैरवर्तन झाले नसल्याचे पोलिसांचे म्हणणे आहे. या घटनेनंतर इराणमधील अनेक शहरे आणि गावांमध्ये निदर्शने सुरू आहेत.