कर्नाटक बसच्या तिकिटांवर महाराष्ट्राचे चिन्ह पाहून प्रवाशांमध्ये संताप, सरकारने दिले कारवाईचे आश्वासन

काय होते संपूर्ण प्रकरण
वास्तविक डोनी येथील काही प्रवासी कर्नाटक रोड ट्रान्सपोर्ट कॉर्पोरेशनच्या (NWKRTC) बसने गदगला जात होते. यावेळी बसचालकाने त्यांना दिलेल्या तिकिटावर महाराष्ट्र परिवहनचे चिन्ह असून त्यावर जय महाराष्ट्र असेही लिहिले होते, ते पाहून प्रवाशांचा संताप अनावर झाला. याबाबतची माहिती प्रवाशांनी स्थानिक कार्यकर्ते व परिवहन अधिकाऱ्यांना दिली. याशिवाय त्यांनी ही तिकिटे सोशल मीडियावर व्हायरलही केली.

राज्य सरकारने दिल्या कारवाईच्या सूचना
तथापि, प्रकरण तापल्यानंतर, NWKRTC ने मुंद्रागी तालुक्यातील डोनी आणि गदग दरम्यानच्या मार्गासाठी 70 तिकीट रोल मागे घेतले. या संपूर्ण प्रकरणाबाबत NWKRTC च्या अधिकाऱ्याने इंडियन एक्सप्रेसला सांगितले की, हीच एजन्सी कर्नाटक, तेलंगणा आणि महाराष्ट्राच्या तिकिटांची छपाई करते. त्यामुळे ही चूक झाली आहे. या प्रकरणाला जबाबदार असणाऱ्यांवर शिस्तभंगाची कारवाई करण्याचे निर्देश आम्ही गदग आगाराच्या विभागीय नियंत्रकांना दिले असल्याचे त्यांनी सांगितले.

या घटनेमुळे व्यक्त होत आहे कर्नाटकातील नागरिकांमध्ये संताप
त्याचवेळी बेळगावी जिल्हा कन्नड संघटना कृती समितीचे अध्यक्ष अशोक चंद्रगी म्हणाले की, महाराष्ट्र राज्याच्या सीमेला लागून असलेल्या जिल्ह्यांमध्ये भाषेबाबतचा तणाव नेहमीच जास्त असतो. हा वाद अशा वेळी समोर आला आहे, जेव्हा अनेक कन्नड समर्थक गट 1 नोव्हेंबर रोजी कन्नड राज्योत्सव (कर्नाटक स्थापना दिवस) साजरा करण्याच्या तयारीत आहेत.