Smartphone Alert : स्मार्टफोन वापरकर्त्यांसाठी सरकारचा इशारा, अॅप डाउनलोड करताना लक्षात ठेवा या गोष्टी


देशात लाखो लोक स्मार्टफोन वापरतात. स्मार्टफोनमुळे आपली अनेक कामे खूप सोपी झाली आहेत. आज स्मार्टफोन हा आपल्या आयुष्याचा अविभाज्य घटक बनला आहे. आपण आपला बहुतेक वेळ स्मार्टफोन स्क्रीन स्क्रोल करण्यात घालवतो. दरम्यान सरकारने स्मार्टफोन वापरकर्त्यांसाठी एक इशारा जारी केला आहे. गेल्या काही वर्षांत सायबर गुन्ह्यांशी संबंधित घटनांमध्ये मोठी वाढ झाली आहे. हे लक्षात घेऊन सरकारने सर्वोत्तम पद्धतींबाबत नियमावली जारी केली आहे. इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत असलेल्या इंडियन कॉम्प्युटर इमर्जन्सी रिस्पॉन्स टीमने स्मार्टफोन वापरकर्त्यांसाठी ही सूचना जारी केली आहे. यामध्ये त्यांनी सांगितले आहे की स्मार्टफोनवर अॅप डाउनलोड करताना यूजर्सनी काय करावे? आणि काय करू नये? याबद्दल सविस्तर जाणून घेऊया-

  • गाईडलाइनमध्ये स्मार्टफोन वापरकर्त्यांना अॅप्लिकेशन डाउनलोड करण्यासाठी अधिकृत गुगल प्ले स्टोअर अॅप वापरण्यास सांगण्यात आले आहे. असे केल्याने स्मार्टफोनमध्ये स्पायवेअर किंवा व्हायरसयुक्त अॅप्स येण्याची शक्यता खूपच कमी होईल.
  • अॅप्लिकेशन डाऊनलोड करताना त्या अॅपचे तपशील, यूजर रिव्ह्यू, डाउनलोड्सची संख्या इत्यादीकडे विशेष लक्ष द्या. तुमच्या स्मार्टफोनवर कोणतीही अनधिकृत वेबसाइट ब्राउझ होणार नाही याची विशेष काळजी घ्या.
  • याशिवाय स्मार्टफोनवरील कोणत्याही अवांछित एसएमएस किंवा ईमेलवर पाठवलेल्या लिंकवर क्लिक करू नका. तुम्ही त्या URL वर क्लिक केले पाहिजे, जे वेबसाइट डोमेन स्पष्टपणे दर्शवतात.
  • तुम्ही तुमचा स्मार्टफोन वेळोवेळी अपडेट करत राहावे. असे केल्याने तुमच्या मोबाईलमध्ये सिक्युरिटीशी संबंधित नवीन पॅच येतात. यामुळे स्मार्टफोनला सुरक्षेचा अतिरिक्त स्तर मिळतो. स्मार्टफोन वापरताना सुरक्षित ब्राउझिंगचा वापर करा.