नवी दिल्ली : नवीन दारू धोरणाविरोधात दिल्लीच्या नायब राज्यपालांनी सीबीआय चौकशीची शिफारस केल्यानंतर आणि त्यानंतर उपमुख्यमंत्री मनीष सिसोदिया यांच्या घरासह राज्यांमध्ये अनेक ठिकाणी सीबीआयने छापे टाकले, अशी कारवाई सातत्याने वाढत आहे. दरम्यान, आम आदमी पक्षाकडून त्यांचे आमदार फोडण्याचे प्रयत्न सुरू असल्याचे दावे केले जात आहेत. आम आदमी पक्षाचे आमदार सौरभ भारद्वाज यांनी मंगळवारी पत्रकार परिषद घेत आपल्या पक्षाच्या आमदारांना तोडण्यासाठी भारतीय जनता पक्षाकडून 5-5 कोटींची ऑफर दिली जात असल्याचा आरोप केला. सौरभ भारद्वाज म्हणाले की, ऑपरेशन लोटस सलग दुसऱ्यांदा अपयशी ठरले आहे.
‘आप’चा भाजपवर मोठा आरोप
‘आप’च्या प्रवक्त्याने सांगितले की, पंतप्रधान 15 ऑगस्टला लाल किल्ल्यावर जे भाषण देतात. ते प्रत्येक गोष्टीवर चर्चा करतात, परंतु सर्वात महत्वाच्या ऑपरेशनबद्दल बोलत नाही. हे ‘ऑपरेशन लोटस’ आहे. ते पुढे म्हणाले की, जेव्हा-जेव्हा निवडणुकीत जनतेने राज्य सरकारे निवडून दिली, तेव्हा तेथे जाऊन प्रचार करण्यासाठी भाजपला भरपूर वेळ मिळतो. पंतप्रधान स्वत: मैदानात उतरतात, गृहमंत्रीही स्वत: उतरतात. पण, एवढे करूनही तिथली जनता त्यांना नाकारते.
सौरभ भारद्वार पुढे म्हणाले की, मध्य प्रदेशात हे दिसले, गोव्यात आमदार फोडले, अरुणाचल प्रदेशात भाजपने तेच केले. दिल्लीत ऑपरेशन लोटस चालले, पक्ष फोडण्याचा कसा प्रयत्न झाला. शाळांमध्ये मोहीम राबवली गेली, काहीही निष्पन्न झाले नाही. सीबीआयने अबकारी धोरणावर एफआयआर केला होता. पण काहीही सापडले नाही. तेव्हा दिल्ली सरकार पाडण्याच्या उद्देशाने तुम्ही भारतीय जनता पक्षाचे उमेदवार व्हा, असे सांगण्यात आले.
भाजपचा पलटवार
दुसरीकडे भाजपने या संपूर्ण प्रकरणावर आम आदमी पक्षाचे आरोप पूर्णपणे फेटाळून लावले आहेत. भाजपचे ईशान्य दिल्लीचे खासदार आणि दिल्लीचे माजी प्रदेशाध्यक्ष मनोज तिवारी म्हणाले की, या सर्व गोष्टी मुद्दे वळवण्यासाठी केल्या जात आहेत.
अरविंद केजरीवाल आणि मनीष सिसोदिया यांच्यावर हल्लाबोल करत भाजप खासदार मनोज तिवारी म्हणाले की, तुरुंगात जाण्याची वेळ आली आहे, तेव्हा त्यांना भाजप आठवत आहे. जर काही फोन रेकॉर्डिंग असेल, तर ते सार्वजनिक करा. भाजपचा कोणताही नेता त्यांना फोन करणार नाही, हे मी ठामपणे सांगू शकतो. केवळ मुद्दा वळवण्यासाठी या गोष्टी सांगितल्या जात आहेत.