अमरावतीमध्ये घर कोसळल्याने आई, मुलीचा मृत्यू, कुटुंबातील अन्य तीन जण जखमी

घर जुने असल्याने कोसळण्याचा होता धोका
अमरावतीचे जिल्हा दंडाधिकारी आशिष बिजवाल यांनी पीटीआयला फोनवरून सांगितले की, घटनेच्या वेळी कुटुंबातील पाच सदस्य घरात होते आणि ते ढिगाऱ्याखाली गाडले गेले. त्याचे शेजारी आणि इतर काही जण जखमी कुटुंबातील तीन सदस्यांना ढिगाऱ्यातून बाहेर काढण्यात यशस्वी झाल्याचे त्यांनी सांगितले. 35 वर्षीय महिला आणि तिच्या सात वर्षांच्या मुलीला ढिगाऱ्यातून लवकर बाहेर काढता आले नाही, त्यामुळे दोघांचाही मृत्यू झाला, असे अधिकाऱ्याने सांगितले. तीन जखमींना जिल्हा रुग्णालयात दाखल करण्यात आले असून त्यांची प्रकृती स्थिर असल्याचे त्यांनी सांगितले. हे जुने घर असून परिसरात मुसळधार पावसामुळे ते कोसळण्याची शक्यता असल्याचे अधिकाऱ्याने सांगितले.

तर पावसामुळे झाला अनेकांचा मृत्यू
रविवारी राष्ट्रीय आपत्ती प्रतिसाद दलाच्या (NDRF) जवानांनी गडचिरोलीतील पूरग्रस्त भागात मदतकार्य केले आणि लोकांना विविध जीवनावश्यक वस्तूंचे वाटप केले. शनिवारी महाराष्ट्र राज्य आपत्ती परिस्थिती अहवाल निर्देशांकाच्या अहवालानुसार, 1 जूनपासून महाराष्ट्रात पाऊस आणि पूरसंबंधित घटनांमध्ये एकूण 102 जणांना आपला जीव गमवावा लागला आहे. एसडीएमडीनुसार, आतापर्यंत प्राण्यांच्या मृत्यूची संख्या 189 होती. महाराष्ट्र एसडीएमडीच्या 16 जुलैच्या अहवालानुसार राज्यात सुमारे 11,836 लोकांना बाहेर काढण्यात आले आणि 73 मदत शिबिरे उभारण्यात आली.