मुंबई – सेक्स टुरिझमचा पर्दाफाश मुंबई पोलिसांच्या क्राइम ब्रांचने मंगळवारी केला आहे. पोलिसांकडून यावेळी दोन महिलांना अटक करण्यात आली असून दोन तरुणींचा सुटका करण्यात आली. आपल्या सहकाऱ्यासोबत मिळून एक महिला सेक्स टुरिझम चालवत असल्याची माहिती मिळाल्यानंतर पोलिसांनी सापळा रचला होता. संबंधित आरोपी महिलेला याआधीही २००२ मध्ये अनैतिक वाहतूक कायद्यांतर्गत अटक करण्यात आली होती.
पोलिसांनी ग्राहक असल्याचा बनाव करत सापळा रचला होता. यानंतर आरोपीने गोव्याची ट्रिप आयोजित करत सोबत दोन मुलींना सोबत पाठवण्याची तयारी दर्शवल्याची माहिती पोलिसांनी दिली आहे. यानंतर पोलिसांनी विमानतळावरच अटकेची तयारी केली होती. तिथे तीन तरुणी अधिकारी आणि ग्राहकाच्या वेषात असणाऱ्या इतरांना भेटल्या असता कारवाई कऱण्यात आली. पैसे आणि विमान तिकीटाची देवाण घेवाण यावेळी करण्यात आली. सिग्नल मिळताच तिन्ही तरुणींना ताब्यात घेण्यात आले. चौकशी केली असता पोलिसांना मुख्य आरोपीची माहिती मिळाली. मुख्य आरोपी असणाऱ्या महिलेने डिपार्चर गेटमधून प्रवेश करत बोर्डिंग पास घेतला असल्याची माहिती पोलिसांनी दिली आहे.