प्रेक्षकांच्या मनात सुदेश मांजरेकर दिग्दर्शित दे धक्का या चित्रपटाने एक वेगळी जागा निर्माण केली आहे. मकरंद अनासपुरे आणि सिद्धार्थ जाधव यांच्या विनोदाने सजलेल्या या चित्रपटाचा सिक्वल यावा, अशी चाहत्यांची इच्छा होती. विशेष म्हणजे निर्मात्यांनी प्रेक्षकांची ही इच्छा पूर्ण करण्यासाठी चित्रपटाची घोषणा केली होती. या चित्रपटाच्या प्रदर्शनाची तारीख आता समोर आली आहे.
दे धमाल हसवणुकीचा दुसरा डोस
महेश मांजरेकर दिग्दर्शित
दे धक्का २
तारीख ठरली!!!
१ जानेवारी २०२२
थांबायचं नाय, गड्या थांबायचं नाय
घाबरायचं नाय, गड्या घाबरायचं नाय@manjrekarmahesh @SIDDHARTH23OCT pic.twitter.com/ehd8OzkxDP— Ameya Khopkar (@MNSAmeyaKhopkar) September 29, 2021
महेश मांजरेकर ‘दे धक्का २’ या चित्रपटाचे दिग्दर्शन करणार आहेत. चित्रपटाच्या प्रदर्शनाची तारीख महाराष्ट्र नवनिर्माण चित्रपट सेनेचे अध्यक्ष अमेय खोपकर यांनी ट्वीट करत सांगितली आहे. ‘दे धमाल हसवणुकीचा दुसरा डोस, महेश मांजरेकर दिग्दर्शित, दे धक्का २, तारीख ठरली!!! १ जानेवारी २०२२… थांबायचं नाय, गड्या थांबायचं नाय… घाबरायचं नाय, गड्या घाबरायचं नाय’ या आशयाचे ट्वीट अमेय खोपकर यांनी केले आहे. लवकरच ‘दे धक्का २’ भेटीला येणार असल्यामुळे चाहते आनंदी आहेत.
२००८मध्ये ‘दे धक्का’ हा चित्रपट रिलीज झाला होता. हॉलिवूडमधील २००६मध्ये प्रदर्शित झालेल्या ‘लिटिल मिस सनशाइन’ या चित्रपटावर हा चित्रपट आधारित होता. या चित्रपटाचा कन्नडमध्ये ‘क्रेझी कुटुंब’ म्हणून रिमेक करण्यात आला होता. या चित्रपटाचे दिग्दर्शन सुदेश मांजरेकर आणि अतुल काळे यांनी केले होते. त्यानंतर आता दे धक्का २ हा चित्रपट १ जानेवारी रोजी प्रेक्षकांच्या भेटीला येणार आहे. या चित्रपटाचे दिग्दर्शन महेश मांजरेकर करणार आहेत. ‘दे धक्का २’मध्ये काय पाहायला मिळणार हे जाणून घेण्यासाठी चाहते उत्सुक आहेत.