नवी दिल्ली – उत्तर प्रदेशात भाजपचे सरकार येण्यापूर्वी भेदभाव केला जात होता. पण आता सर्वांना समान न्याय मिळतो. जे २०१७ पूर्वी फक्त ‘अब्बा जान’ म्हणत होते, तेच रेशन संपवत असल्याचे वक्तव्य उत्तर प्रदेशचे मुख्यमंत्री योगी आदित्यनाथ यांनी केले होते. त्याचबरोबर समाजवादी पक्षाचे अध्यक्ष अखिलेश यादव यांच्यावर त्यांनी टीका केली होती. त्यांच्या या टीकेनंतर उत्तर प्रदेशातील राजकीय वातावरण चांगलेच तापले होते. मोठ्या प्रमाणात योगींवर टीका देखील झाली होती. हा वाद निवळत असतानाच आता भाजपने पुन्हा एकदा अब्बा जानचे एक व्यंगचित्र शेअर केल्यामुळे नवीन वादाला तोंड फुटले आहे.
पहले अब्बाजान कहने वाले हजम कर जाते थे गरीबों का राशन, आज भाजपा सरकार में हर गरीब को राशन मुफ्त मिल रहा है । pic.twitter.com/EbqAocXYyj
— Ankit Singh Chandel (@ankitchandelbjp) September 18, 2021
हे व्यंगचित्र उत्तर प्रदेश भाजपने शेअर करून एएमआयएमचे नेते असदुद्दीन ओवैसी आणि समाजवादी पक्षाचे नेते अखिलेश यादव यांच्यावर निशाणा साधला आहे. ओवैसी आणि अखिलेश यादव यांना व्यंगचित्रात मुघल सम्राट जहांगीर आणि अनारकली दाखवले आहे, जे गरीबांच्या रेशनचा गैरवापर करत आहेत. तर ‘अब्बा जान’ म्हणून मुलायमसिंह यादव यांना दाखवले असून ते रेशनचा गैरवापर होताना बघत बसले आहेत.
दरम्यान, अखिलेश यादव यांनी योगी आदित्यनाथ यांच्या अब्बा जान टीप्पणीनंतर त्यांच्यावर टीका केली होती. चार वर्षांहून अधिक काळानंतरही, हे सरकार केवळ नावे आणि रंग बदलण्यात व्यस्त आहे. सपा सरकारने केलेली कामे स्वतःची असल्याचा दावा करत आहे. त्यांना माहित आहे की त्यांचे सरकार बाहेर पडण्याच्या मार्गावर असल्यामुळे त्यांची भाषा बदलली असल्याचे अखिलेश यादव म्हणाले होते.