पंढरपूर : पंढरपूरमधील भाजपचे माजी जिल्हाध्यक्ष शिरीष कटेकर यांच्या तोंडाला मुख्यमंत्री उद्धव ठाकरे यांच्यावर आक्षेपार्ह आणि एकेरी भाषेत टीका केल्याने शिवसैनिकांकडून काळे फासत त्याला साडी नेसवल्याचा प्रकार समोर आला आहे. सोशल मीडियात याचा एक व्हिडिओ व्हायरल झाला आहे. हा प्रकार म्हणजे शिवसेनेची सत्तेची मस्ती आणि गुंडगिरी असल्याचे भाजपने या व्हिडिओवर प्रतिक्रिया देताना म्हटले आहे.
#WATCH I Maharashtra: Shiv Sena workers allegedly pour black ink on a BJP leader and forced him to wear a saree after the latter criticised Chief Minister Uddhav Thackeray, in Solapur pic.twitter.com/gdtL9gChT1
— ANI (@ANI) February 7, 2021
शिरीष कटेकर यांना व्हायरल व्हिडिओत शिवसेनेचे काही कार्यकर्ते घेरतात आणि त्याच्या अंगावर डोक्यावर काळी शाई ओतताना दिसत आहेत. तसेच त्याची भर बाजारातून धिंड काढताना त्याच्या गळ्यात माळ सदृश्य वस्तू घालताना आणि अंगावर साडी टाकतानाही दिसत आहेत. आक्रमक झालेले हे कार्यकर्ते कटेकर यांना मारहाण आणि शिवीगाळही करताना या व्हिडिओमध्ये दिसत आहेत.
• किती ही सत्तेची मस्ती!
केवळ मुख्यमंत्री उद्धव ठाकरे जी यांच्यावर टीका केल्यामुळे पंढरपुरातील भाजप कार्यकर्त्याला शिवसैनिकांनी साडी नेसवली आणि तोंडाला काळे फासले.• शिवसेना की गुंडागर्दी
उद्धव ठाकरे जी की आलोचना करने पर भाजपा कार्यकर्ता को स्याही फेंकी और साड़ी भी पहना दिया। pic.twitter.com/gKilh2RYPh— Vijaya Rahatkar (@VijayaRahatkar) February 8, 2021
दरम्यान, हा व्हिडिओ ट्विटरवर शेअर करत शिवसेनेवर भाजपच्या सरचिटणीस आणि राज्य महिला आयोगाच्या माजी अननननध्यक्षा विजया रहाटकर यांनी निशाणा साधला आहे. किती ही सत्तेची मस्ती अशा शब्दांत त्यांनी शिवसेनेवर सडकून टीका केली आहे.