प्रसिद्ध गायक एस. पी. बालसुब्रमण्यम यांना मरणोत्तर पद्मविभूषण पुरस्कार

मनोरंजन, मुख्य / By / एस. पी. बालसुब्रमण्यम, केंद्र सरकार, पद्मविभुषण /


प्रजासत्ताक दिनाच्या पूर्वसंध्येला राष्ट्रपती भवनाकडून पद्म पुरस्कार विजेत्यांची यादी जाहीर करण्यात आली. या यादीत आपल्या सुमधूर आवाजाने कानसेनांना तृप्त करणारे प्रसिद्ध गायक एस.पी.बालसुब्रमण्यम यांना मरणोत्तर पद्मविभूषण पुरस्कार जाहीर झाला आहे. हिंदीसोबतच दाक्षिणात्य चित्रपटसृष्टीदेखील बालसुब्रमण्यम यांनी गाजवली.

आपल्या आवाजाने अनेकांना एस. पी. बालसुब्रमण्यम यांनी भूरळ घातली होती. त्यामुळे त्यांची गाणी आजही तितकीच लोकप्रिय आहे. अभिनेता सलमान खान याचा आवाज म्हणून बालसुब्रमण्यम यांना खास ओळखले जात होते. त्यांच्या आजवरच्या कारकिर्दीमध्ये त्यांनी सलमानच्या अनेक चित्रपटांसाठी गाणी गायली आहेत.


ऑगस्ट २०२०मध्ये बालसुब्रमण्यम यांना कोरोनाची लागण झाली होती. त्यामुळे ५ ऑगस्ट रोजी त्यांना एमजीएम हेल्थकेअर या रुग्णालयात उपचारासाठी दाखल करण्यात आले होते. त्यानंतर योग्य उपचार घेतल्यामुळे त्यांनी कोरोनावर मात केली होती. याविषयी त्यांच्या मुलाने एसपी चरण यांनी माहिती दिली होती. पण, त्यांची प्रकृती त्यानंतर काही दिवसातच पुन्हा खालावली आणि २५ सप्टेंबर २०२० मध्ये उपचारादरम्यान त्यांची प्राणज्योत मालवली.