आयपीएल खेळणारा ‘हा’ ठरणार पहिला अमेरिकन क्रिकेटपटू!

ईएसपीएन क्रिकइंफोच्या रिपोर्टनुसार, दोन वेळा विजेता असलेल्या केकेआर संघाने इंग्लंडचा वेगवान गोलंदाज हॅरी गर्नीच्या जागी अली खान निवडले आहे. मात्र अद्याप आयपीएलकडून यासाठी परवानगी मिळालेली नाही.

हॅरी गर्नीला खांद्याचे ऑपरेशन करायचे आहे, त्यामुळे त्याने आयपीएलमधून माघार घेतली आहे. अली खानने आतापर्यंत 36 टी20 सामन्यात 38 विकेट्स घेतल्या आहेत. 29 वर्षी अली खान त्रिनबागो नाइट रायडर्सचा देखील भाग होता. याच संघाने कॅरेबियन प्रिमियर लीगचा खिताब आपल्या नावावर केला आहे. त्याने 8 सामन्यात 8 विकेट्स घेतले. 2018 मघ्ये कॅनडा ग्लोबल टी20 मध्ये देखील त्याने चांगली कामगिरी केली होती.

अली खान 140kph वेगाने गोलंदाजी करू शकतो. आपल्या यॉर्करसाठी देखील तो ओळखला जातो.