आपल्या युजर्ससाठी माइक्रो ब्लॉगिंग प्लॅटफॉर्म ट्विटरने एक नवीन फीचर लाँच केले असून त्याद्वारे आता तुम्ही ट्विटरवर व्हॉइस रेकॉर्ड करुन ऑडिओ ट्विट करु शकणार आहात. हे फीचर सध्या मर्यादित युजर्ससाठी उपलब्ध असून iOS डिव्हाइससाठी हे फीचर कंपनीने रोलआउट करण्यास सुरूवात केली आहे. हे फीचर येत्या काही आठवड्यांमध्ये सर्व iOS डिव्हाइसवर उपलब्ध होईल. हे फीचर अँड्रॉइड स्मार्टफोनसाठी केव्हापर्यंत उपलब्ध होईल याबाबत अद्याप कंपनीने माहिती दिलेली नाही. पण, हे फीचर लवकरच अँड्रॉइड फोनसाठीही उपलब्ध होण्याची शक्यता आहे.
You can Tweet a Tweet. But now you can Tweet your voice!
Rolling out today on iOS, you can now record and Tweet with audio. pic.twitter.com/jezRmh1dkD
— Twitter (@Twitter) June 17, 2020
iOS युजर्सना व्हॉइस ट्विट करण्यासाठी न्यू पोस्टवर टॅप करावे लागेल. तिथे कॅमेऱ्याच्या बाजूला असलेल्या ऑडिओ रेकॉर्ड पर्यायावर टॅप केल्यास युजरला व्हॉइस नोट रेकॉर्ड करता येईल. त्यानंतर ‘डन’ बटणावर टॅप करुन शेअर करता येईल. 140 सेकंदांपर्यंत ऑडिओ रेकॉर्ड करुन व्हॉइस ट्विटमध्ये युजर्स ट्विट करु शकतो. ही मर्यादा जर ओलांडली तर नवीन व्हॉइस नोट सुरू होईल. ट्विटरवर सध्या मेसेज लिहून ट्विट करण्यासाठी 280 शब्दांची मर्यादा आहे. पण व्हॉइस ट्विट फीचरमध्ये व्हॉइस नोटला नेहमीच्या टेक्स्ट ट्विटसोबत अॅड करता येईल. म्हणजेच एकाच ट्विटमध्ये टेक्स्ट आणि व्हॉइस नोट दोन्ही वापरता येईल.