नवी दिल्ली – भारतीय हवामान खात्याच्या प्रादेशिक हवामान विज्ञान केंद्राने काही दिवसांपूर्वी आपल्या हवामान अंदाजात पाकव्याप्त काश्मीरलाही समाविष्ट करून घेतल्यामुळे चावताळलेल्या पाकिस्तानने भारताला प्रत्युत्तर देण्यासाठी त्यांच्या हवामान अंदाजात भारताच्या जम्मू-काश्मीर आणि लडाखचा समावेश केला. पण, पाकिस्तान लदाखच्या हवामानाचा अंदाज वर्तवताना सपशेल तोंडघशी पडला असून त्यावरुन सोशल मीडियावर पाकिस्तानची चांगलीच नाचक्की होत आहे.
Not surprised to see that kind of tweet from #RadioPakistan, akhir unka science and technology ka minister @fawadchaudhry hai 😂😂😂😂😂#RadioPakistan #maths #Pakistan pic.twitter.com/xbRkkvBMsG
— Nitesh Yadav (@niteshyadav021) May 10, 2020
दरम्यान भारतीय हवामान खात्याने पाकव्याप्त काश्मीरमधील गिलगिट-बाल्टिस्तान आणि मुजफ्फराबाद या प्रदेशांतील हवामानाचा अंदाज देणे सुरू केले आहे. ५ मेपासून या भागांतील हवामानाचा जम्मू-काश्मीर हवामान विज्ञान उपविभागानुसार अंदाज दिला जात आहे. त्याला प्रत्युत्तर म्हणून रविवारी पाकिस्तानी रेडिओवर जम्मू-काश्मीरचे हवामानाचे अंदाज दिले. त्याबरोबर त्यांनी हवामानाची माहिती ट्विटरद्वारेही दिली. पण लडाखच्या हवामानाची माहिती देताना त्यांनी मोठी चूक केली. पाकिस्तानी रेडिओने ट्विटमध्ये लदाखचे कमाल तापमान -४ डिग्री आणि किमान तापमान -१ डिग्री असल्याचे सांगितले आणि तेथेच त्यांनी घोळ केला. त्यावर अनेक नेटकऱ्यांनी, लगेचच कमाल तापमान -१ डिग्री आणि किमान तापमान -४ डिग्री असे दाखवायला हवे होते, असे सांगत पाकिस्तानला चपराक लगावण्यास सुरुवात केली.