कोरोना व्हायरसमुळे अनेकजण स्वतःच्या घरात होम क्वारंटाईन आहेत. अशा व्यक्तींच्या हातावर निवडणुकीत मतदारांच्या हातावर लावण्यात येणारी शाई लावण्याची परावनगी निवडणूक आयोगाने आरोग्य प्रशासनाला दिली आहे.
निवडणूक आयोगाने यासाठी अटी देखील ठेवल्या आहेत. विशिष्ट परिस्थिती होम-क्वारंटाईन असणाऱ्यांच्या हातावरच शाईचा स्टॅम्प वापरला जाईल. मतदान केल्यानंतर मतदाराच्या डाव्या इंडेक्स बोटाला शाई लावली जाते. त्यामुळे आयोगाने प्रशासनाला कोणत्याही व्यक्तीच्या डाव्या हाताच्या बोटाला शाई लावू नये, असे सांगितले आहे.
Election Commission of India: The Commission has reviewed its decision suo moto and it is decided to allow usage of Indelible Ink on persons for stamping for home quarantine by health authorities. #COVID19 pic.twitter.com/G4Uqx05lp1
— ANI (@ANI) March 25, 2020
याशिवाय शरीराच्या कोणत्याही ठिकाणी व कोणते चिन्ह लावले जाईल, हे देखील निश्चित करण्यास सांगण्यात आले आहे. जेणेकरून देशातील कोणत्याही भागात निवडणूक होणार असेल, तर समस्या निर्माण होणार नाही.
तसेच, प्रशासनाला ज्या व्यक्तींना शाई लावली जाईल, त्या व्यक्तींचा रेकॉर्ड ठेवण्यास सांगितले आहे व इतर कोणत्याही कामासाठी शाईचा वापर करू नये, असे आदेश दिले आहेत.
याशिवाय आयोगाने सांगितले की, नखांवर शाई लावल्यास ती अनेक आठवडे राहते. मात्र इतर ठिकाणी त्वचेवर लावल्यास शाई केवळ 3 दिवस राहते.