नवी दिल्ली – विश्व हिंदू परिषदेच्या फायरब्रँड नेत्या साध्वी प्राची यांनी पुन्हा एकदा वादग्रस्त वक्तव्य केले आहे. त्यांनी राहुल गांधी आणि प्रियंका गांधी यांना अंमली पदार्थांचे व्यसन असल्याचे म्हटले आहे.
कोकेनचे राहुल आणि प्रियंका या दोघांना व्यसन आहे. ते दोघेही नशेमध्ये असल्यामुळेच वायफळ बडबड करत असल्याचे प्राची म्हणाल्या. उत्तर प्रदेश महिला पोलिसांवर आपला गळा पकडत गैरवर्तन केल्याचा आरोप प्रियंका गांधी यांनी केला होता. प्राची यांनी त्यावरून राहुल गांधी आणि प्रियंका गांधी यांच्यावर टीका केली आहे.
काँग्रेस पक्षाचे नेते राहुल गांधी यांनी यापूर्वी भारताला जगाची ‘रेप कॅपिटल’ म्हटले होते. या वक्तव्यावरून राहुल गांधींवर प्राची यांनी टीका केली होती. देशामध्ये नक्षलवाद, दहशतवाद, बलात्कार हे सर्व नेहरूंच्या कुटुंबामुळेच होत असल्याचे त्या म्हणाल्या होत्या.