छोट्या पडद्यावरील लोकप्रिय ठरलेले इन्स्पेक्टर चंद्रमुखी चौटाला हे पात्र साकारणारी अभिनेत्री कविता कौशिकच्या फिटनेसला बघून कोणीही हैराण होईल. कविता कौशिकचे अनेक चाहते आहेतच त्याचबरोबर तिच्या फिटनेसचे कौतुक करणाऱ्यांचीही कमी नाही आहे. ‘चंद्रमुखी चौटला’मुळे प्रसिद्धीझोतात आलेली अभिनेत्री कविता कौशिक सध्या चांगलीच चर्चेत आली आहे. सोशल मीडियावर फिटनेस फ्रिक असलेली कविता तिच्या योगसाधनेच्या फोटोनी धुमाकूळ घालत आहे.
सोशल मीडियावर नेहमीच कविता कौशिक ही अॅक्टिव्ह असते. ती तिच्या योगसाधनेचे फोटो आणि व्हिडिओ सोशल मीडियाच्या माध्यमातून तिच्या चाहत्यांसोबत शेअर करत असते. तिचे अनेक वेगवेगळ्या तऱ्हेचे फोटो सोशल मीडियावर बघायला मिळतात. ३८ वर्षांची कविता कौशिक अनेक लोकांना तिच्या फिटनेसमुळे प्रोत्साहित करते.
कधी आपल्या चाहत्यांना आपल्या बोल्ड अंदाजाने कविता कौशिक घायाळ करते तर कधी तिच्या योगसाधनेच्या फोटोंनी थक्क करते. सोशल मीडियावर कविताचे खूप फॉलोअर्स देखील आहेत. आपल्या हॉट योगसाधनेसाठी कविता प्रसिद्ध आहे. कविताच्या मिरर इमेजवर चाहत्यांच्या नजरा खिळल्या असून तिचे फोटो चांगलेच व्हायरल होत आहे.