नवी दिल्ली : गुगलने मलिशिअस अॅप प्ले स्टोअरवरून हटवण्यास गेल्या काही महिन्यांपासून सुरुवात केली आहे. गुगल ही कारवाई फोनमधील डेटा चोरी, व्हायरस या कारणांमुळे करत आहे. दरम्यान गुगल असिस्टंटमध्ये आता बग आढळला आहे. यामध्ये गुगल असिस्टंट ऑन केल्यानंतर ‘Hey Google’ असे म्हणताच स्क्रीन फ्रीज होत आहे. स्क्रीन बगमुळे फ्रीज राहून फोन तसाच ऑन राहतो. फोनची बॅटरी यामुळे वेगाने संपते. याबाबत काही तज्ज्ञांनी म्हटले आहे की, फोनचा डिस्प्लेसुद्धा यामुळे खराब होऊ शकतो.
युजर्सची मोठी अडचण गुगल असिस्टंटमधील या बगमुळे झाली आहे. गुगल असिस्टंटला कनेक्ट असलेल्या स्मार्ट डिव्हाइसचा वापर करणे कठीण झाले आहे. अँड्रॉइड पोलिस या वेबसाइटने म्हटले आहे की, त्यांच्या कर्मचाऱ्यांचे फोन ‘हे गूगल’ कमांड दिल्यानंतर सुरूच आहेत.
फोनच्या बॅटरीला बगचा मोठा धोका आहे. फोनची स्क्रीन गूगल असिस्टंटमधील हा बग ऑन ठेवतो. त्यामुळे फोन लॉकसुद्धा करता येत नाही. फोनची स्क्रीन कमांड देताच फ्रीज होते. युजर यामुळे फोनचा वापर करू शकत नाही. इनबिल्ट बॅटरी असलेल्या डिव्हाइसला ऑफदेखील करता येत नाही.
दरम्यान, हा बग सप्टेंबरमध्ये सापडल्याचे म्हटले जात आहे. गुगलकडून यावर अद्याप कोणतीही प्रतिक्रिया आलेली नाही. गुगलच्या सपोर्ट फोरमवर अनेक युजर्सनी तक्रार केली होती. गुगलने प्रतिक्रिया न दिल्याने हा बग कधीपर्यंत फिक्स केला जाईल हे सांगता येत नाही.