संजय लीला भन्साळी यांच्या आगामी गंगूबाई काठियावाडीमध्ये आलिया भट्ट ही मुख्य भूमिका साकारणार आहे. या वृत्ताला दुजोरा मिळाला असून संजय आणि आलियाची जोडी इंशाल्लाहचे काम बंद झाल्यानंतर या चित्रपटावर काम सुरु करणार आहेत. चित्रपटाच्या घोषणेसह त्याच्या रिलीजची तारीखही समोर आली आहे जी 11 सप्टेंबर 2020 आहे.
या चित्रपटाची निर्मिती संजय लीला भन्साळी आणि जयंतीलाल गाडा यांच्या पेन इंडिया प्रोडक्शनद्वारे केली जात असल्याचे व्यापार विश्लेषक तरण आदर्श यांनी ट्विट केले आहे. 2018 मध्ये रिलीज झालेल्या दीपिका-शाहिद-रणवीर स्टारर ‘पद्मावत’ नंतर हा चित्रपट बायोपिक देखील असेल.
गंगूबाई ही मुंबईची माफिया क्वीन होती. क्वीन ऑफ मुंबई गंगूबाई कोठेवाली या नावाच्या पत्रकार एस हुसेन जैदी यांच्या पुस्तकावर आधारित भन्साळींच्या या चित्रपटाची कथा असणार आहे.